Qostanaılyq polısııa aǵa leıtenanty Temirlan Saparov endi oblys namysyn qorǵaý úshin Prezıdent N.Nazarbaev júldesi úshin ótetin respýblıkalyq «Qazaqstan barysy – 2018» týrnırine qatysatyn boldy. Ol oblystyq «Qostanaı qyrany – 2018» týrnırinde ekinshi oryndy aldy.
Jyl saıyn qanatyn keńge jaıyp bara jatqan «Qazaqstan barysy» týrnırin Temirlan bala kezinde ákesimen birge otyryp, teledıdardan kórgen eken. Bala erteńine jattyqtyrýshy Murat Ermenbaevqa baryp, sambo seksııasyna jazylady. Ol alǵashqy jasóspirimder jarystarynda jaqsy nátıjeler kórsetti. Sodan keıin-aq ony jattyqtyrýshylar kózden tasa etken joq. Ol kóptegen jarystarda jeńimpaz atanyp júr. Sáýir aıynda Jezqazǵanda ótken áskerı sambodan respýblıka chempıonatynda óz salmaq katergorııasynda úshinshi orynǵa qol jetkizdi.
«Men irikteý týrnırinen ótkenime qýanyshtymyn. Jarysty 2011 jyldan qadaǵalap kórip kelemin. «Qazaqstan barysy» eń myqty balýandardyń basyn qosady. «Qazaqstan barysy» kileminde kúresý ár balýan úshin arman ǵoı. Men osyǵan jetý úshin aýyldaǵy, aýdandaǵy , odan oblystaǵy kóptegen jarystarda ózimdi kórsete bildim», dedi Temirlan.
Ol «Qostanaı qyrany – 2018» týrnırinde «túıe balýan» Ramıl Sharygınmen kúresti. Ekeýi de «Qazaqstan barysy – 2018» týrnırine joldama aldy.
Názıra Járimbet
«Egemen Qazaqstan»
Qostanaı