Soltústik Qazaqstan oblysynyń týmasy Beısembaı Mansur Saýd Arabııasynyń Ál-Qassım qalasynda ótken tasjol velosportynan Azııa chempıonatynda júldeger atandy, dep jazady Egemen.kz.
Mansur 23 jasqa deıingi erler (U23) arasyndaǵy 122,5 shaqyrymdyq toptyq jarysta ekinshi bolyp máre syzyǵyn kesip, qurlyq birinshiliginiń kúmis júldesin ıelendi.
Buǵan deıin ol jekeleı synda chempıon atanyp, komandalyq jarysta kúmis medal jeńip alǵan.
Azııa chempıonaty: Qazaqstan jeńil atletıkadan ekinshi altyn júldeni jeńip aldy
«Beısembaı Mansur Saýd Arabııasynda ótken velosporttan Azııa chempıonatynda 24,6 shaqyrymdyq jekeleı jarysta altyn medal jeńip aldy», delingen Soltústik Qazaqstan oblysy ákimdiginiń habarlamasynda.
Aıta keteıik, Azııa chempıonaty 12 aqpanda máresine jetedi. Bıyl dodada Azııa qurlyǵynyń 22 elinen 621 sportshy júldege talasyp jatyr.
Azııa chempıonaty: El quramasy nysana kózdeýden taǵy eki altyn medal jeńip aldy