Tambler-Rıdj qalasyndaǵy jergilikti orta mektepte bolǵan atys saldarynan jeti adam qaza taýyp, turǵyn úıden taǵy ekeýiniń máıiti tabyldy. Polısııa boljamynsha, atys uıymdastyrǵan adam ózin óltirgen bolýy múmkin, dep habarlaıdy Egemen.kz.
Kanada polısııasynyń (RCMP) habarlaýynsha, 27 adam jaraqattanǵan, olardyń ekeýiniń jaǵdaıy aýyr.
Bastapqyda kanadalyq BAQ atysty uıymdastyrǵan adam áıel dep habarlaǵanymen, polısııa resmı málimdemede kúdikti týraly naqty aqparat bermegen. Alaıda jergilikti turǵyndardyń telefondaryna taratylǵan shuǵyl habarlamada kúdiktiniń qońyr shashty kóılek kıgen áıel ekeni aıtylǵan.
Venesýelada prezıdent rezıdensııasynyń mańynda atys boldy
RCMP komandıri Ken Floıdtyń aıtýynsha, jaǵdaı óte tez órbigen.
«Mekteptiń, shuǵyl qyzmetter men jergilikti qaýymdastyqtyń jedel is-qımyly bizdiń jumysymyzda sheshýshi ról atqardy. Biz qaza tapqandardyń otbasylaryna jáne osy qaıǵyly jaǵdaıdan zardap shekkenderdiń barlyǵyna kóńil aıtamyz. Bul bizdiń qaýymdastyq úshin óte aýyr kún boldy», dedi komandır.
Jergilikti mektep okrýgi Tambler-Rıdjdegi bastaýysh jáne orta mektepterdiń apta sońyna deıin jabylatynyn habarlady.