Madrıdtik «Realdyń» shabýylshysy Vınısıýs Jýnıor 10 mamyr kúni «Kamp Noýda» ótetin Ispanııa chempıonatyndaǵy «Barselonaǵa» qarsy matchta alǵash ret komandanyń kapıtany retinde alańǵa shyǵady. Bul sheshim negizgi jáne vıse-kapıtandardyń joq bolýyna baılanysty qabyldanǵan, dep habarlaıdy Egemen.kz.
Komandanyń resmı kapıtany Danı Karvahal jaraqatynan áli tolyq aıyqpaǵan. Al vıse-kapıtan Federıko Valverde jattyǵý kezinde Orelen Tchýamenımen bolǵan janjaldan keıin alǵan jaraqatyna baılanysty aldaǵy oıynǵa qatyspaıdy.
Fýtboldan el kýboginiń shırek fınalyna qaı klýbtar shyqty?
Osylaısha, kapıtandyq ıerarhııa boıynsha kelesi oıynshy retinde Vınısıýs Jýnıor «Barselonaǵa» qarsy ótetin mańyzdy El-Klasıko matchynda komandany alańǵa bastap shyǵady.
Klýb ishinde atalǵan oqıǵaǵa baılanysty ishki tekseris júrgizilip jatqany da aıtylýda.
Vınısıýs Jýnıor úshin komandany kapıtan retinde alańǵa bastap shyǵý – asa tańsyq jaǵdaı emes. Brazılııalyq shabýylshy alǵash ret bul mindetti 2025 jyldyń aqpanynda atqarǵan, ol kezde komanda Ispanııa Kýbogynyń jartylaı fınalynda «Real Sosedadty» jeńgen bolatyn.
Sonymen qatar, ol Chempıondar lıgasynyń matchtarynda da kapıtan boldy. Atap aıtqanda, 2025 jyldyń qyrkúıeginde Almatydaǵy «Ortalyq» stadıonynda ótken «Qaıratqa» qarsy oıynda dál osy mártebemen alańǵa shyqqan.
Aıta keteıik, Ispanııa chempıonatynda «Barselona» – «Real» kezdesýi týrnırlik turǵydan úlken mańyzǵa ıe: katalondyqtar jeńse, chempıondyqty merziminen buryn rásimdeı alady, al madrıdtikter jeńiske jetse, chempıondyq úshin kúresti jalǵastyrady.
«Barselona» men «Real» 10 mamyr kúni «Kamp Noýda» kezdesedi. Madrıdtik klýb úshin bul matchtaǵy jeńis — La Lıgadaǵy chempıondyqqa talasty jalǵastyrýdyń basty sharty.
Nurbolat AMANBEK