Rýdnyı qalasynda «Keleshek mektepteri» ulttyq jobasy aıasynda 900 orynǵa arnalǵan memlekettik tilde oqytatyn №8 jalpy bilim beretin mektep esigin ashty, dep jazady Egemen.kz.
Jańa mektepte oqýshylardyń sapaly bilim alýyna barlyq jaǵdaı jasalǵan. Kishi, orta jáne joǵary býyn úshin jeke bloktar qarastyrylǵan. Hımııa, bıologııa, fızıka, ınformatıka, robototehnıka pándik kabınetteri, sondaı-aq STEAM-zerthana oqýshylardyń zertteý mádenıetin damytýǵa múmkindik beredi.
«Sıfrlyq mektep» bilim júıesin qalaı ózgertedi?
Oqý kabınetteri kompıýterlik jabdyqtarmen, ınteraktıvti taqtalarmen, shet tilder kabınetteri lıngafondarmen qamtylǵan. Mektepte qajetti quraldarymen 3 sport zaly, horeografııa zaly, jaıly ashana bar. Eńbekke baýlý sheberhanalarynda arnaıy qurylǵylar men tigin jabdyqtary qoıylǵan. Aýlada oqýshylardy jan-jaqty damytý úshin qozǵalys oıyndary men demalýǵa arnalǵan alańdar bar.
Mektep Qostanaı oblysy boıynsha Ulttyq IýNESKO klýbtary federasııasynyń óńirlik úılestirýshisi qyzmetin atqaryp, osy salada halyqaralyq tájirıbe almasý boıynsha belsendi jumys júrgizýdi josparlap otyr.
Mektep oqýshylary jylyjaıda zertteý júrgizedi
«Kenshiler qalasy úshin 62 jańa jumys ornynyń ashylýy mańyzdy. Onyń 34-i pedagog, olarǵa sapaly bilim berý jáne oqýshylardyń zııatkerlik, sporttyq jáne shyǵarmashylyq qabiletterin damytý úshin jasalǵan qolaıly jaǵdaılardy tolyǵymen paıdalaný mindeti qoıylyp otyr», delingen Qostanaı oblysynyń ákimdigi taratqan habarlamada.
Aıta keteıik, Ulttyq joba aıasynda oblysta 4 500 oryndyq 6 mektep ashylǵan: Arqalyq qalasynda (300 oryn), Qostanaı aýdanynyń Zarechnyı aýylynda (900 oryn), eki mektep Qostanaı qalasynda (1200 jáne 900 oryn), Áýlıekól aýdanynyń Qusmuryn aýylynda (300 oryn) jáne Rýdnyı qalasynda (900 oryn).
Tozyǵy jetken mektepter jóndeledi