Qazaqstannyń birinshi raketkasy, álemdik reıtıngte kósh bastap turǵan Elena Rybakına Germanııadaǵy dodada sátti óner kórsetip, shırek fınalǵa joldama aldy, dep jazady Egemen.kz.
Shtýtgart WTA 500 týrnıri sheńberinde jarysty ekinshi aınalymnan bastaǵan Qazaqstan tennısshisi reseılik Dıana Shnaıdermen kortta jolyqty. Álemniń 2-raketkasy sanalatyn Rybakına qarsylasynan aıqyn basym túsip, matchty eki sette aıaqtady.
Alǵashqy partııada otandasymyz 4:1 esebimen alǵa shyǵyp, oıyn tizginin tolyq óz qolynda ustady – 6:3. Ekinshi set tartysty órbidi. Esep 4:4 bolǵan tusta Rybakına sheshýshi breık jasap, partııany 6:4 esebimen óz paıdasyna sheshti.
Bir saǵat 14 mınýtqa sozylǵan kezdesýde Elena Rybakına 9 eıs jasap, 4 breık-poınttyń 2-in tıimdi paıdalandy. Al qarsylasy nebári 1 eıspen shekteldi.
Elena Rybakına álemniń ekinshi raketkasy atandy
Endi Qazaqstan tennısshisi jartylaı fınal joldamasy úshin álemniń 25-raketkasy, kanadalyq Leıla Fernandes nemese reıtıngte 79-orynda turǵan túrkııalyq Zeınep Senmezdiń qaı jeńgenimen kezdesedi.
Aıta keteıik, Elena Rybakına 2024 jyly osy týrnırde top jarǵan. Al ótken maýsymda Qazaqstan quramasy sapynda óner kórsetýine baılanysty jarysqa qatysa almaǵan edi. Sondyqtan bıylǵy dodada reıtıngilik upaı qoryn eseleýge múmkindik mol.
Elena Rybakınanyń 20 jetistigi