Búgin Májilistiń jalpy otyrysynda gazben jabdyqtaý máseleleri jónindegi zań jobasynda «kommýnaldyq-turmystyq tutynýshy» jáne «ónerkásiptik tutynýshy» uǵymdaryn ajyratý máselesi talqylandy, dep jazady Egemen.kz.
Energetıka mınıstrliginiń qaǵıdalaryna sáıkes barlyq turmystyq tutynýshy úshin taýarlyq gazdy tutyný normalaryn jergilikti atqarýshy organdar bekitedi.Gaz jáne gazben qamtý salasyndaǵy ulttyq operatorǵa memlekettik bıýdjet qarajaty esebinen salynatyn gaz qubyrlarynyń qurylysyna arnalǵan jobalaý tapsyrmalaryn kelisý, sondaı-aq gazben qamtý boıynsha bıýdjet jobalarynyń qurylys barysyn baqylaý fýnksııalary júkteledi.
Reseıden Qazaqstanǵa ótetin gaz qubyry qashan iske qosylady?
Sonymen qatar, bıýdjet qarajaty esebinen salynǵan gaz qubyrlaryn ákimdikter gaz jáne gazben jabdyqtaý salasyndaǵy ulttyq operatorǵa tikeleı beredi.
Sondaı-aq elimizdegi gaz quıý stansalarynda qaýipsizdik talaptaryn kúsheıtý kózdelip otyr.
Gazben qamtý máseleleri boıynsha maquldanǵan túzetýler aıasynda jergilikti atqarýshy organdarǵa avtogaz quıý stansalarynyń shekti sanyn belgileý jóninde ókilettik berý josparlanyp otyr.
Túrkistan oblysynda shalǵaıdaǵy aýyldar tabıǵı gazǵa qosyldy
Sonymen qatar, zań jobasynda gaz quıý beketterinde qaýipsizdik deńgeıi arttyrylady. Atap aıtqanda, jańadan ashylatyn avtogaz quıý stansalaryna aýqymdy ydystardy jer astyna ornalastyrýdy mindetteý, al jumys istep turǵan stansalardy 2031 jylǵy 1 qańtarǵa deıin osy ydystardy jer astyna kóshirýdi mindetteıtin ótpeli kezeń belgileý usynylady.
Sondaı-aq, kólik quraldary men turmystyq gaz ballondaryn zańnamada belgilengen oryndardan tys jerde toltyrýǵa tyıym salynady.
Gaz tapshylyǵy bolmaı ma?