Ortalyqtandyrylǵan kitaphana júıesi mekemesinde óskeleń urpaqqa patrıottyq tárbıe berý maqsatynda «Jas Ulan» lıseıiniń kýrsanttarymen «Men – elimniń ulanymyn» atty tarıhı sabaq uıymdastyryldy.
Shara basynda kitaphanashylar Qazaqstan Respýblıkasynyń Ulttyq Qarýly Kúshteri elimizdiń táýelsizdigi men shekarasyn qorǵap qana qoımaı, beıbit ómirdi de saqtaıtynyn da atap ótti. Sondaı-aq bul mereke ár kezde de batyldyq pen erliktiń, qaharmandyq pen eldiktiń nyshany ekendigi jaıly aıtyldy.
Tarıhı sabaq barysynda kýrsanttar merekeniń tarıhymen jáne Qazaqstan armııasy týraly kóptegen qyzyqty derektermen tanysty. Qarýly Kúshter qatarynda qyzmet etý - árbir qazaqstandyqtyń abyroıly mindeti, ótken urpaqtyń batyrlyq jáne jaýyngerlik dástúrlerine negizdelgen patrıottyq rýhanı mektebi bolyp sanalatyny jaıly áńgimelendi. Kýrsanttar konkýrstyq baǵdarlamaǵa jáne áskerı taqyrypqa arnalǵan vıktorınaǵa qatysyp, ózderiniń kúsh-jigerlerin, eptilikterin kórsetti. Budan ári jıyn konserttik baǵdarlamamen jalǵasyp, «Qazaq eli osyndaı», «Bir bala» jáne taǵy basqa ánder oryndaldy.
Raýshan NUǴMANBEKOVA