Pavlodar oblysyndaǵy Jańa Juldyz aýyly mektebinde 1971 jylǵy túlekterdiń kezdesýi ótti. Aǵa-inilerimen birge Jańa Juldyz aýylyndaǵy mektepte oqyp, bilip alǵan oblys ákimi Bolat Baqaýov ta kezdesýge keldi.
«Mektebime taǵzym» baǵdarlamasy aıasynda Baqaýovtar mektepke «Teacher office» syıǵa tartty. Jańa úlgidegi muǵalimder bólmesinde kompıýterlik tehnıka, ınternet, demalys buryshy bar. Sondaı-aq, jasyl jelek qaraǵaıdyń ondaǵan kóshetterin otyrǵyzdy.
-Balalardy zamanaýı tehnologııalarǵa úıretý úshin muǵalimderdiń ózderi ózgerýleri qajet. Aqparatty óńdeýdi úırenip, jańa bastamalarǵa daıyn bolýlary tıis. Bizdiń mindetimiz – pedagogtar men oqýshylardyń nátıjeli jumysy úshin barlyq jaǵdaılar jasaý,- dep atap ótti Bolat Baqaýov.
Kezdesý barysynda oblystyq bilim berý basqarmasynyń basshysy Dinıslam Bolathanuly aǵaıyndy Baqaýovtar jeke qarajattaryn bilim berý salasyna bólip turady. 2017 jyly «Mektebime taǵzym» baǵdarlamasy aıasynda olar mektepke hokkeı kortyn, fýtbol alańyn, trenajerlik aımaq jáne vorkaýt alańyn syıǵa tartqanyn aıtyp ótti. Mesenattarǵa pedagogtar men oqýshylar atynan alǵys aıtty.
Farıda Byqaı,
«Egemen Qazaqstan»
Pavlodar oblysy,
Jelezın aýdany
Sýretti túsirgen: Aıgúl Esenáli