Almatydaǵy «Bóbek» ortalyǵynda birqatar óńirden kelgen bilim berý uıymdarynyń basshylary kezdesti

Qazaqstannyń birinshi hanymy Sara Nazarbaevanyń «Súıispenshilik sabaqtary» taqyryby aıasynda pedagogtar, oqýshylar jáne túlektermen jıi-jıi kezdesip turýdy jaqsy dástúrge aınaldyrǵany barshaǵa málim. Buǵan deıin de osyndaı ıgi sharalardyń talaıyna kýá bolǵanymyz bar. Al osy joly ótken jıynǵa Bilim jáne ǵylym mınıstrligi, oblystyq bilim basqarmasy ókilderi, «О́zin ózi taný» páni boıynsha biliktili­gin arttyrý kýrsyna elimizdiń birqatar aımaǵynan arnaıy kelgen mektep dırektorlary men olardyń orynbasarlary qatysty. 

– «О́zin ózi taný» – qandaı da kúrdeli jaǵdaıda adamı qasıet jáne adamgershilik qundylyqtan arylmaı, abzal azamat jáne elge eleýli tulǵa bolyp qalyptasýdyń qyr-syryn úıretetin úlken ilim. Ol qıyndyqqa moıymaýdy, jaýapty sátte shuǵyl ári durys sheshim qabyldaýdy jáne óz taǵ­dyryńa asa jaýapkershilikpen qaraý­­dy úıretedi. Allanyń adal jol­y­­men ómirdegi óz jolyńdy ta­­bý­ǵa, kózdegen maqsatyńa je­tý­­ge úgitteıdi. «О́zin ózi taný» páni jas­tardyń boıynda mahab­bat, adamgershilik, me­ıi­­rim­­di­­lik, ımandylyq sııaq­­ty jalpy­adamzattyq qundy­lyq­tardy qalyptas­tyrady, olardy rýhanı adamger­shi­lik­tiń nárimen sýsyndatady, – deıdi Sara Alpysqyzy. 

«Bóbektegi» basqosý barysynda respýblıkamyzdyń ár óńirinen jınalǵan bilim berý uıymdarynyń qyzmetkerleri de osy taqyrypqa baılanys­ty qyzyqty áńgimeler órbitip, kópshilikpen oı bólisti. Olardyń barlyǵy da oqýshylar úshin ózin-ózi tanýǵa, ózin damytýǵa baǵyttalǵan jumystar tek mektep qabyrǵasynda ǵana emes, otbasynda da jalǵasyn taýyp, ata-analardyń kómegimen ózara yqpaldastyq baǵytta júrgizilýi kerektigin aıtty. Sebebi «О́zin-ózi taný» – jaryq dúnıede ómir súrip jatqan ár jetkinshekke ózin adam ekenin tereń sezinýge, adamdarǵa qýanysh syılaı bilýge baýlıdy. Janynda júrgen aıaýly adamdardyń bar ekenin uǵynýǵa kómektesedi. Borysh pen paryzǵa adal bolýǵa tárbıeleıdi.

Ǵalym SÚLEIMEN,  «Egemen Qazaqstan»

ALMATY