Jyl saıyn ótetin «Mereıli otbasy» dástúrli baıqaýynyń oblys aýdandary men qaladarynda irikteý kezeńi júrip jatyr. Qostanaı qalasynda ótken baıqaýda 6 otbasy synǵa tústi.
Baıqaý qorytyndysynda olardy Qostanaı qalalyq ákiminiń orynbasary Aıdar Husaıynov quttyqtady. Qýanovtar, Zýevtar jáne Bondarevtar otbasylary kórermenderdi otbasylyq dástúrlerimen qyzyqtyrdy. Olardyń barlyǵy da madaqqa laıyq, jurt úlgi tutar jandar. Mysaly, Zýevtar ózderiniń otbasylyq mereıtoıyn parashıýttan sekirip atap ótti. Mundaı syılyqty olarǵa balalary syılady. Tárbıeli bala ósirip, úlgi kórsetip otyrǵan qalǵan otbasylar da syılyqtarǵa, marapatqa ıe boldy.
Degenmen, baıqaýdyń jeńispazdary bolýy tıis.Onda úshinshi oryndy Esjanovtar otbasy aldy. Bazarbaı aǵa men Aqlıma apaı 1952 jyly otaý quryp, 8 bala tárbıelep ósirdi. Olardan 24 nemese, 18 shóbere súıip otyr. Ekinshi oryn Iipbergenovtar otbasyna laıyq dep sheshildi. Erbol–óńirge belgili telejýrnalıst, Aqjan –pedagog, óńirdegi Analar keńesin basqarady. Ekeýi bes bala tárbıelep otyr. Birinshi oryndy Qarjaýovtar otbasy aldy. Maıra men Qadyrdyń otbasynda mýzykanttardyń úshinshi urpaǵy ósip keledi. О́zderi oblystyq fılarmonııa ánshileri. Endi olar «Mereıli otbasynyń» oblystyq baıqaýynda Qostanaı qalasmy namysyn qorǵaıtyn bolady.
Názıra Járimbet,
«Egemen Qazaqstan»
Qostanaı