2018 jyldyń 19 mamyry kúni Mańǵystaý oblysy Qaraqııa aýdany Tótenshe jaǵdaılar bólimi 13-17 jas aralyǵyndaǵy mektep oqýshylary arasynda Jetibaı selosynda ornalasqan №11 О́rt sóndirý bóliminde «Jas qutqarýshy» jarysyn ótkizdi.
«Jas qutqarýshy» jarysynyń maqsaty balalar jáne jastar arasynda salaýatty ómir saltyn keńinen dáripteý, tótenshe jaǵdaılardyń týyndaýy mek qaýipi tóngen kezinde jeke jáne ujymdyq qaýipsizdik máselesine sanaly jáne jaýapty kóz karasty qalyptastyrý, balalar men jastardy qoldanbaly sport túrimen shuǵyldanýǵa tartý, sondaı-aq jasóspirimderdi áskerı-patrıottyq tárbıeleý jáne «qutqarýshy» mamandyǵyn nasıhattaý bolyp tabylady.
Jarysqa aýdannyń №3, №4, №5, №7, №8 orta mektepteri qatysty. Jarys jaýyngerlik qanat jaıý, oqý munarasynyń 1 qabatyna kóterilý, kedergiler arqyly 100 metrlik jolaqtan ótý, qutqarý arqanyn ýaqytqa baılaý túrleri boıynsha ótkizildi.
Jarys qortyndysy boıynsha 1-oryn №5 orta mektebi, 2-oryn - №3 orta mektebi, 3-oryndy №8 orta mektebi ıelendi. Jarysqa qatysýshylar kýboktarmen jáne maqtaý gramotalarmen marapattaldy. Aýdandyq jarystyń jeńimpazdary «Jas qutqarýshy» qalalyq jarysyna qatysýǵa múmkindik aldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy