Búgin «Azamattarǵa arnalǵan úkimet» memlekettik korporasııa basshysy Abylaıhan Ospanov ortalyq kommýnıkasııalar qyzmetinde ótken brıfıngte apta sońyna deıin qazaqstandyqtarǵa jeke málimetterine qoljetimdilikke tyıym salý múmkindigi bolatyndyǵyn aıtty. Qazirgi tańda «Ulttyq aqparattyq tehnologııalar» AQ-men birlesken jumys júrgizilip jatyr.
«Jeke málimetterdiń qaýipsizdigin qamtamasyz etý úshin biz azamattar ózi týraly jeke aqparatty tolyqtaı baqylaı alatyn joba jasadyq.Basqasha aıtqanda, tipti HQO qyzmetkeri de jeke málimetterdi kóre almaıdy, operatorlar qandaı bir jeke málimetterge qol jetkizý úshin azamattardyń SMS ruqsatyn alýy tıis», - dep túsindirdi Ospanov.
Bul joba eki kezeń boıynsha júzege asyrylady. Osy aptanyń sońyna deıin alǵashqy kezeńde elektrondyq úkimet portalyndaǵy jeke kabınetinde málimetterge qoljetimdilikke tyıym salý fýnksııasy iske qosylady. Árbir portal qoldanýshylary osy fýnksııa arqyly óziniń jeke málimetterine qoljetimdilikti qosa alady jáne jaýyp tastaı alady. Bul oraıda tyıym salý fýnkısıasyn tek jeke kabınet arqyly ǵana jasaýǵa bolady.
Ekinshi kezeń – jeke málimetterge qoljetimdilikti jabý fýnksııasyn óshirý úshin SMS servısti iske qosý. Iаǵnı eger qoljetimdilik buǵattalǵan bolsa, azamattyń JSN-nyń júıege engizgen kezde HQO operatory qoljetimdilikti ashý týraly SMS-habarlama alady. Kórsetiletin qyzmetti alýshydan SMS-ruqsatyn alǵan jaǵdaıda ǵana front-ofıs jumyskeri qandaı da bir memlekettik qyzmetti kórsete alady.
Aıta ketý kerek, bul servısti qoldaný úshin qyzmet alýshy mobıldi azamattar bazasyna tirkelýi tıis. Muny elektrondyq úkimet portalyndaǵy jeke kabınette nemese kez kelgen HQO-da jasaýǵa bolady.