Qyzylorda qalasynda «Smaǵul» mal bordaqylaý jáne et ónimderin óńdeıtin seh ashyldy.
Bul maqsatqa jeke kásipker 300 mln. teńge jumsaǵan. Tórt gektar aýmaqty alyp jatqan jer telimi men úsh myń sharshy metrdi quraıtyn sehtyń qýattylyǵy - táýligine 50 bas mal soıý pýnkti jáne 200 bas mal bordaqylaýǵa erkin jetedi.
Qala ákimi Nurlybek Nálibaev buǵan deıin de mańyzdy jobalardy júzege asyryp, óńirdiń ekonomıkalyq áleýetiniń artýyna qosyp júrgen úlesi úshin joba jetekshisi jeke kásipkerge alǵysyn aıtty.
Búginde qalada aýyl sharýashylyǵy óndiristik koopertıvteriniń sany 27-ge jetti. Onyń ishinde mal bordaqylaýmen aınalysatyn koopertıvter sany jyl saıyn kóbeıip keledi.
Qalada osyndaı jumystardyń arqasynda, et daıyndaý isi 110 paıyzǵa artyp otyr.
Baqtııar TAIJAN, «Egemen Qazaqstan»