Jaqynda L. N. Gýmılev atyndaǵy Eýrazııa ulttyq ýnıversıtetinde qazaq jýrnalıstıkasynyń korıfeıi, pýblısıst, qoǵam qaıratkeri Ǵadilbek Shalahmetovtyń 75 jasqa tolýyna oraı «Qazirgi jýrnalıstıka jáne jańa trend» atty halyqaralyq ádebı-tájirıbelik konferensııa ótti. Oǵan elimizdiń qoǵam qaıratkerleri, BAQ basshylary men jýrnalıster, Parlament depýtattary qatysty.
Jıyndy Eýrazııa Ulttyq ýnıversıtetiniń rektory Erlan Sydyqov ashyp, ǵalymnyń ómiri men sińirgen eńbek joly tunyp turǵan úlgi-ónege ekenin aıtty. Erlan Battashuly: óz sózin «Búgin 75 jasqa tolǵan mereıtoıyn atap ótip jatqan Ǵadilbek aǵamyzdyń ómir joly men azattyq beınesin jýrnalıstıkasyz elestetý múmkin emes. Bar sanaly ǵumyry BAQ salasyna arnalǵan qarymdy qalamgerdiń esimi men jýrnalıstıka bir uǵym ispettes, birinen-biri ajyramas qos uǵymǵa aınaldy», - dep túıindedi.
Alǵashqy sóz kezegin alǵan Qazaqstan Prezıdenti Ishki saıasat bólimi meńgerýshisiniń orynbasary Nurlan Oqauly Qazaqstan Respýblıkasy Prezıdenti ákimshiligi basshysynyń orynbasary Marat Tájınniń mereıtoı ıesine arnaıy joldaǵan ıgi tilekke toly quttyqtaaýyn oqyp berdi. Mınıstr Dáýren Abaevtyń ystyq sálemin «Egemen Qazaqstan» respýblıkalyq gazeti» AQ Tóraǵasy Darhan Qydyráli jetkizdi.
Sondaı-aq, Parlament májilisiniń depýtattary Qýanysh Sultanov pen Saýytbek Abdrahmanov, qoǵam qaıratkeri Sultan Orazaly, «Mır» telearnasynyń bas rejısseri Qanat Esenamanov, akademıketeri Dıhan Qamzabekuly, Bolat Kómekov jáne Rahmetjan Bersinbaı, Memlekettik syılyqtyń laýreattary, qalamgerler Ánes Saraı men Qajyǵalı Muhanbetqalıuly, professor, EUÝ Qazaqstan Halqy Assambleıasy kafedrasynyń meńgerýshisi Anatolıı Bashmakov, t.b ıgi tilekke toly quttyqtaýlaryn jetkizse, alys-jaqyn elderden mereıtoı ıesiniń atyna kelip túsken jedelhat quttyqtaýlary da jyly qabyldandy.
Konferensııada sóz alǵandardyń kópshiligi Ǵadilbek Shalahmetovtyń «Besinshi tús» kitabyna toqtalyp, bul shyǵarma XIX, XX jáne HXI ǵasyrdaǵy Kaspıı aýmaǵynan bastalyp, Edil men Jaıyq jáne búgingi Astanaǵa deıingi kezeńdi qamtıtynyn óz sózderinde arnaý etti. «Shyndyq pen fantazııa - barlyǵy osy kitaptan tabylady; adamdar taǵdyry týraly derekti áńgime -«Rýhanı jańǵyrý» qundylyqtary. Sondyqtan da bul kitap týraly aıtpaı ketýge bolmaıdy», dedi qatysýshylar. Kitapta orys fılosofy Chernyshevskıı men qazaq aǵartýshysy Maqash Bekmuhambetov týraly jan-jaqty aıtylady. Olar 1886 jyly Astrahanda kezdeskenderi belgili. Shyǵarma avtory qazaq jáne orys halyqtarynyń arasyndaǵy dostyq týraly, eki eldiń arasyndaǵy mádenı baılanystardyń mańyzdy tustaryn qamtıdy. Sonymen qatar, Ǵadilbek Shalahmetovtiń ómiri men ónegesi, qaıratkerlik qoltańbasy men joǵary dárejeli qyzmeti konferensııa barysynda erekshe atalyp ótti.
Shara barysynda EUÝ jýrnalıstıka jáne saıasattaný fakýlteniniń stýdentteri Ǵadilbek Shalahmetov óleńderinen úzindiler oqyp, ádebı-tájirıbelik konferensııanyń mazmunyn arttyryp, shyraıyn kirgizdi. Otyrys sońynda mereıtoı ıesi sóz sóılep, zamanaýı jýrnalıstıkanyń jańa baǵyttary, BAQ-tyń qoǵamǵa qatynasy men L. N. Gýmılevtiń elimizge sińirgen eńbekteri jaıynda tolǵandy. Ǵadilbek Shalahmetov jınalǵan qaýymǵa shyn kóńilden rızalyǵyn bildirip, sharanyń sońy estelik sýretke túsimen aıaqtaldy.
Botakóz AMALBEK,
L. N. Gýmılev atyndaǵy EUÝ
Jýrnalıstıka jáne saıasattaný fakýltetiniń 1 kýrs stýdenti