Basqarma tóraǵasy Ahmetjan Esimov bastaǵan «Samuryq-Qazyna» ulttyq ál-aýqat qorynyń delegasııasy «Qytaı Saýda-ónerkásip Banki» («Industrial and Commercial Bank of China Limited», ári qaraı - ICBC) dırektorlar keńesiniń tóraǵasy I Hýeımanmen kezdesti. Ekijaqty kezdesý Qazaqstan Respýblıkasynyń Prezıdenti Nursultan Nazarbaevtyń QHR memlekettik sapary aıasynda ótti.
Kezdesý barysynda «Samuryq-Qazyna» AQ Basqarma tóraǵasy Ahmetjan Esimov ICBC Dırektorlar keńesiniń tóraǵasy I Hýeımanmen Bank tarapynan Qorǵa 2015 jyly berilgen zaımnyń syıaqy mólsherlemesin tómendetý jáne ony óteý merzimin 2022 jyldyń sońyna deıin uzartý týraly kelisti.
Sonymen qatar taraptar «Samuryq-Qazyna» AQ men «Qytaı Saýda-ónerkásiptik Banki» arasyndaǵy yntymaqtastyq týraly memorandýmǵa qol qoıyldy jáne bolashaqtaǵy basymdyqtardy talqylady. Dırektorlar keńesiniń tóraǵasy I Hýeıman ICBC úsh salada yntymaqtastyqqa múddeli ekendigin jetkizdi: birinshisi – oblıgasııalardy ornalastyrý, ekinshisi – strategııalyq ınvestor retinde Qor aktıvterin jekeshelendirý baǵdarlamasyna qatysý jáne úshinshisi – naqty jobalardy qarjylandyrý.
Kezdesý sońynda, «Samuryq-Qazyna» AQ Basshysy A.Esimov aspan asty eliniń ókilderine rızashylyǵyn bildirdi jáne birlesken jumysqa, Qor jobalaryn júzege asyrýǵa qatysýǵa degen nıeti men senimi úshin alǵys aıtty jáne bolashaqta Qordyń kompanııalar toby Gonkong jáne Shanhaı qor naryǵyna shyǵýy múmkin ekendigin atap ótti.