«Elimizde 2018 jyldyń basynan beri menıngokokk ınfeksııasynyń 61 rastalǵan jaǵdaıy tirkeldi, onyń ishinde stasıonarlyq emdeýde 9 adam jatyr, 40 adam aýrýhanadan shyqty, ólim jaǵdaıy - 12: Almaty qalasynda - 6, Almaty oblysynda - 3, Ońtústik Qazaqstan oblysynda - 2 jáne Qyzylorda oblysynda 1 jaǵdaı. Ahýal QR Densaýlyq saqtaý mınıstrliginiń baqylaýynda», - dep habarlady Densaýlyq saqtaý mınıstrligi.
Sonymen qatar Qoǵamdyq densaýlyq saqtaý komıteti Astana qalasynda menıngokokk ınfeksııasynan ólim jaǵdaılarynyń bolmaǵany týraly buryn berilgen aqparatty rastady.
«Jyl basynan beri Astana qalasy boıynsha 6 rastalǵan jaǵdaı, onyń ishinde balalar arasynda 2 jaǵdaı tirkelgenin atap ótemiz. Barlyq pasıentter saýyǵyp shyqty, 1 bala balalardyń juqpaly aýrýlar aýrýhanasynda emin jalǵastyrýda», - dedi densaýlyq saqtaý komıteti.
Aıta keteıik, 13 maýsymdaǵy jaǵdaı boıynsha, elimizde menıngokokk ınfeksııasynyń rastalǵan 59 jaǵdaıy tirkelgen bolatyn.