«Nur Otan» partııasy Saılaýaldy baǵdarlamasy «Indýstrııalyq damý» baǵyty boıynsha saraptama komıssııasynyń Munaıly aýdanyndaǵy kóshpeli otyrysy ótti. Otyrysta «Qazaqstan Respýblıkasynyń 2015-2019 jyldarǵa arnalǵan ındýstrııalyq-ınnovasııalyq damýy jónindegi memlekettik baǵdarlamasynyń Munaıly aýdanynda júzege asyrylý barysy týraly» tylqylandy.
Komıssııa otyrysyna oblystyq partııa fılıaly tóraǵasy birinshi orynbasary Nurı Týmyshev, «Nur Otan» partııasy Mańǵystaý oblystyq fılıalyndaǵy «Indýstrııalyq damý» saraptama komıssııasynyń partııalyq kýratory, oblystyq máslıhattyń depýtaty Abzal Meńdibaev, oblystyq, aýdandyq máslıhattardyń depýttary, oblystyq kásipkerler palatasynyń, oblystyq ındýstrıalyq-ınnovasııalyq damý basqarmasynyń ókilderi, aýdandyq partııa ardagerler keńesi qatysty.
«Qazaqstan Respýblıkasynyń 2015-2019 jyldarǵa arnalǵan ındýstrııalyq-ınnovasııalyq damýy memlekettik baǵdarlamasynyń Munaıly aýdanynda júzege asý barysy týraly» Munaıly aýdandyq kásipkerlik bóliminiń basshysy Dastan Iаhıauly Muratálıev aıtty.
-2015-2019 jyldarǵa arnalǵan Investısııalardy tartý sharalary aıasynda óńirge kelgen iri ınvestısııalyq jobalardy qoldaý maqsatynda Kásipkerlikti qoldaý kartasy jasaqtalyp, engizilip otyrady. Búgingi kúnge deıin kásipkerlikti qoldaý Kartasyna 24 joba engizildi. Jobalardyń jalpy quny 500,1 mlrd. teńgeni quraıdy. Josparlanǵan jumys oryndar sany 3 263 oryn. 24 jobanyń ishinde 8 joba shet eldik ınvestorlardyń úlesimen júzege asyrylýda. Atalǵan Kartaǵa Munaıly aýdanynan 2 joba engizilgen bolatyn. Olar: «Mańǵystaý qus» JShS-ń qus fabrıkasy jáne «Best Grýpp» JShS-ń kún elektr stansııasy,- dedi ol.
Oǵan qosa, Dastan Muratálıevtyń aıtýynsha, kartaǵa engen 2 joba: «Best Grýpp» JShS-ń kún elektr stansııasy qurylysy 2018 jyldyń sáýir aıynda bitip, iske qosylǵan bolsa, «Mańǵystaý qus» JShS-ń qus fabrıkasynyń qurylysy 2019 jyldyń I toqsanynda aıaqtalady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy