SQO-daǵy botanıkalyq baq qaıta jańǵyrady

Et-konservi kombınaty ja­nynan ashylǵan baqtyń kór­gen jannyń kóz jaýyn alatyn gúl­zarǵa aınalýyna sanaly ǵu­myryn arnaǵan alǵashqy baǵb­an V.Osıpovpen qatar Qazaq­stan­nyń eńbek sińirgen agro­nomy, qala­nyń qurmetti aza­maty Ravıl Rıazapov­tyń da esimi qurmetpen atalady. Ravıl babaı birese «Tabıǵat per­­zent­teri» ekologııalyq orta­lyǵy, birese «Qyzyljar oran­je­reıasy» memlekettik kommý­nal­dyq qazynashyldyq kásip­orny ataý­laryna ıe bolyp, már­te­be­sin san ret aýystyrǵan bota­nı­ka­lyq baqtyń aıanyshty taǵ­dy­ryna qanatymen sý sebelegen qar­lyǵashtaı ara túsip, talaı ret ta­lan-tarajdan saqtap qal­dy. Qym­bat jádigerdiń jalǵyz shy­raq­shysy onyń qordalanyp qal­ǵan jylý, jaryq qaryzdarynyń óteýi úshin, aýksıon arqyly saty­lyp ketpeýine tosqaýyl bolý maq­satymen páterinde kepilge qoı­dy. Bilim mekemeleri, jekele­gen adam­dar ótinishterimen arna­ıy gúl­der ósirý, oqýshylar men stý­dentterge ekologııalyq sa­baq­­tar, leksııalar uıymdastyrý dás­túr­leri úzilip qaldy. Ýaqyt óte kele jergilikti ákimdiktiń balansy­na alyn­ǵanymen, mol qarajat bóli­nedi degen úmit te aqtalmady. 2017 jyly básekelestik orta­ǵa beriletin kommýnaldyq uı­ym­­dardyń tizimine engizilip, jekeshelendirýge qoıyldy. Alaı­­da ony menshigine alatyn­dar shyqpaǵandyqtan, jylyjaı kesheniniń maqtanyshy – máń­gi jasyl ósimdikter men je­mis aǵashtary ıesizdikke, kútim­siz­dikke ushyrap, joıylý qaýpi týdy. Jurtshylyqtyń janaı­qaıyna qulaq asqan aımaq basshysy Qumar Aqsaqalov tıisti oryn­darǵa tapsyrma berip, nátı­je­sinde barlyq dúnıe-múlki men ujym «Jas daryn» qosymsha bilim berý mekemesiniń qaraýyna kóshti. 

Qala ákiminiń orynbasary Evgenıı Glotov biregeı tropı­kalyq baqqa kúrdeli jón­deý ju­mys­tary júrgizilip, aýma­ǵy keńeıtiletinin, basty qyz­me­ti jas býynǵa biryńǵaı eko­lo­gııa­lyq tárbıe berýge, ekskýr­sııa­lyq qyzmet kórsetýge, túrli ta­p­syrystar oryndaýǵa yńǵaı­la­natynyn jetkizdi. Onyń aıtýynsha, dızaınerler men sáýlet­shiler qaıta jańǵyrtýdyń jobasyn ázirlep bitkennen keıin qazynadan qomaqty qarajat bólinedi. Trotýarlar men sham baǵan­dary jóndeledi. Jasyl jelek otyrǵyzylady. Sóıtip tur­ǵyndar dem alatyn jaıly or­ynǵa aınalady. Nysannyń burynǵy ekojúıesi tolyq saqtalady. 

Osylaısha 1800 sharshy metr aýmaqty alyp jatqan Petropavl tropıkalyq baǵynyń gúldenip, kórkeıýine barlyq múmkindikter jasalatyn bolady. 

О́mir ESQALI, «Egemen Qazaqstan»

Soltústik Qazaqstan oblysy