Baspasóz, radıo jáne ınternet-jýrnalıstıka salasyndaǵy «Úrker» ulttyq syılyǵy laýreattaryn marapattaý saltanaty 28 maýsym baılanys jáne aqparat salasy qyzmetkerleriniń kásibı merekesi kúni ótip jatyr.
Ulttyq premııa baspasóz, radıo jáne ınternet-jýrnalıstıka salasynda úzdik jetistikke jetken sondaı-aq óńirlerde mýltımedıalyq jýrnalıstıkany damytýǵa úles qosyp júrgen, ári jýrnalıstıkanyń bedelin kóterýge atsalysqan, kásibı standarty men talaptary bekitilgen, ony nasıhattan erekshelep turǵan sondaı-aq qoǵamnyń azamattyq belsendiligin kóterýge úles qosyp júrgen mamandarǵa beriledi.
Syılyqtyń negizgi maqsaty – talantty jýrnalıster men úzdik shyǵarmashylyq ujymdardy anyqtaý, olardyń kásibı jýrnalıstıkany damytýǵa qosqan úlesterin saralaý jáne shyǵarmashylyq adamdarynyń eleýli eńbegine qoǵam nazaryn aýdarý.
Ulttyq «Úrker» syılyǵy kelesi nomınasııalarǵa beriledi:
• Úzdik fotosýret; • Úzdik reportaj; • Úzdik saraptamalyq materıal; • Úzdik jýrnalıstik zertteý; • Úzdik suhbat; • Qazaqstan týraly úzdik tanymdyq materıal; • Úzdik halyqaralyq taldamaly materıal; • Astananyń 20 jyldyǵyna arnalǵan materıal • Úzdik aımaqtyq radıostansııa • Úzdik aımaqtyq baspasóz basylymy • Qazaqstannyń úzdik radıostansııasy • Úzdik ınternet BAQ • Úzdik respýblıkalyq merzimdi basylym; • Úzdik vaın
Qazylar alqasy quramyna engen tanymal qoǵam qaıratkerleri men shyǵarmashylyq ıntellıgensııa ókilderi ár nomınasııa boıynsha oza shapqan kil myqtylardy anyqtaıdy. Baıqaýdyń laýreaty atanǵan jýrnalısterge estelik músin men qarjylaı júldeler tabystalady. Árbir jeńimpaz 1 000 000 teńge kóleminde aqshalaı syılyq pen dástúrli estelik músinge ıe bolady.
Baspasóz, radıo jáne ınternet-jýrnalıstıka salasyndaǵy eń bedeldi «Úrker» ulttyq syılyǵynyń marapattaý rásimine belgili jýrnalıster men telejúrgizýshiler, estrada men shoý-bıznes juldyzdary sondaı-aq tanymal vaınerler qatysady. Baspasóz, radıo jáne ınternet-jýrnalıstıka salasyndaǵy «Úrker» ulttyq syılyǵy byltyr QR Aqparat jáne kommýnıkasııalar mınıstrliginiń bastamasymen ótken bolatyn. Ulttyq syılyqty uıymdastyrýshy «Qazcontent» AQ.