HockeyArchives portaly 2017/2018 jylǵy maýsymnyń qorytyndysy boıynsha shaıbaly hokkeıden Eýropanyń úzdik 250 komandasynyń tizimin jarııa etti.
Úzdikter kóshin Sankt-Peterbordyń SKA klýby bastap tur. Ekinshi jáne úshinshi oryndarda – Shvesııanyń «Vekshesi» men Máskeýdiń SSKA-sy. Sondaı-aq, «Aq Bars» (Qazan, Reseı), «Kıarpıat» (Fınlıandııa), «Kometa» (Chehııa), «Iýrgorden» (Shvesııa), «Bern» (Shveısarııa), «Mıýnhen» (Germanııa) jáne «Tappara» (Fınlıandııa) syndy ujymdar «TOP-10» komandanyń qatarynda qosyldy.
Byltyr 34 úzdiktiń sanatynan kóringen Astananyń «Barysy» sońǵy maýsymda Qurlyqtyq hokkeı lıgasynyń (QHL) pleı-off dodasynyń joldamasyna ıelik ete almaǵan edi. Sonyń saldarynan álemdik reıtıngtegi jaǵdaıyn kúrt nasharlatyp alǵan jerlesterimiz bul joly 55-oryndy qanaǵat tutty.
Ǵalym SÚLEIMEN, «Egemen Qazaqstan»