Elimizdiń pedagogıka salasyndaǵy jetekshi bilim ordasy – Abaı atyndaǵy QazPUÝ ǵylymı jobalardyń mańyzdylyǵyna basa nazar aýdaryp keledi.
Oǵan dálel retinde atalǵan ýnıversıtette Ulttyq Zertteý ýnıversıteti «Joǵary ekonomıka mektebi» Bilim berý ınstıtýtymen birlesken Qazaqstan–Reseı bilim salasyndaǵy zertteýlerge arnalǵan semınaryn atap ótýge bolady.
Semınardyń mańyzdylyǵyna toqtalǵan ýnıversıtet rektory T.Balyqbaev joǵary oqý ornynyń elimizdiń bilim keńistiginde alar orny, mańyzy týraly keńinen baıandaı kele ǵylymdy damytý maqsatynda bıylǵy jyly jas ǵalymdar arasynda jarııalanǵan baıqaý qorytyndysyna sáıkes 25 jobanyń iriktelgenin atap ótti. Bul maqsattaǵy jobalarǵa úsh jyl ishinde bólinetin qarjy somasy 100 mln teńgege jýyq. Iаǵnı, kelesi jylǵy damý strategııasynda oqý orny zertteý ýnıversıteti retinde qarastyrylatyn bolady.
Semınar barysynda eki negizgi másele talqylandy, birinshiden, zertteý ýnıversıtetiniń damý strategııasy bolsa, ekinshisi, «Joǵary ekonomıka mektebi» Bilim berý ınstıtýtynyń ǵalymdary jasaǵan zertteýler. Al aldaǵy ýaqytta ǵylymı zertteýler, tájirıbe almasý, t.b. baǵdarlamalar aıasynda yntymaqtastyqqa qol jetkiziletin bolady.
Ulttyq zertteý ýnıversıteti «Joǵary ekonomıka mektebi» Bilim berý ınstıtýtynyń ókilderi I.Frýmın, V.Bolotov, P.Sergomanov, S. Malınovskıı jáne E.Kardanova jáne t.b. semınar barysynda sıfrlyq transformasııa, joǵary bilim berýdegi teńsizdik jáne bilim berýde baǵalaýdyń zamanaýı tásilderi - jańa quraldar men tehnologııalar taqyryptarynda baıandama jasady. Sonymen qatar ózekti ǵylymı jobalardy júzege asyrýdyń múmkindikteri men keleshegi talqylanyp, tyń jobalardyń tanystyrylymy ótti.
Elvıra SERIKQYZY, «Egemen Qazaqstan»