Qazaqstan Ulttyq Olımpıadalyq komıtetiniń prezıdenti Tımýr Qulybaev mezgilsiz dúnıeden ótken Denıs Tenniń ata-anasy Oksana Alekseevna men Iýrıı Aleksandrovıchke kóńil aıtý jedelhatyn joldady.
«О́z atymnan jáne Qazaqstan Ulttyq Olımpıadalyq komıtetiniń, sondaı-aq, elimizdegi barlyq sport qoǵamynyń atynan uldaryńyz Denıs Tenniń mezgilsiz dúnıeden ótýine baılanysty qaıǵyra kóńil aıtamyn. Búgin jas sportshyny tanıtyn, onyń shyǵarmashylyǵyn baǵalap, talantymen maqtanatyn barsha qaýym úshin qaraly kún. О́ziniń sporttyq ǵumyrynda Denıs qaıtpas rýhymen, qaısarlyǵymen, chempıondyq minezimen kózge tústi. Ol jas bolǵanyna qaramastan, otandyq mánerlep syrǵanaý sportynyń ushar basynda turdy. Búgin Qazaqstan sporty dańqty Chempıondy joǵaltyp aldy. Biz sizdermen birge qaıǵyramyz. Denıs Tenniń jarqyn beınesi bizdiń júregimizde máńgi saqtalady», - delingen kóńil aıtý hatynda.