Jańaózen: Jaǵdaı tynyshtalyp keledi

19 jeltoqsan kúni Jańaózendegi jaǵdaı bir qalypqa túskendeı boldy. Sheteldik bir top jýrnalıstermen birge oqıǵa bolǵan or­ta­lyq alań­dy, qıratylyp, otqa oranǵan qalalyq ákimdik, «О́zen­mu­naıgaz» óndiristik fılıaly keń­sesi men «Arýana» qonaq úıin, iri saýda oryn­daryn aralap kórdik. Kóshelerde tár­tip­sizdiktiń saldarynan qıraǵan, búlingen dúnıe-múlikter, avtokólikter jınala qoımapty. Kó­she­lerdegi júrginshiler qatary da sırek. Jel­toqsannyń qara sýyǵyna qaramaı ishki ister organdary men áskerıler saqtyq pen qyraǵy­lyq tanytyp, azamattardyń qaýipsizdigin saq­taý jolyndaǵy jumystaryn atqaryp júr. Qa­laǵa kireberistegi arnaýly pýnktterde tótenshe jaǵdaı­lar­ǵa baılanysty tekserý jolǵa qo­ıy­lypty. Jalpy, qala kósheleri, negizgi ny­san­dar baqylaý men qor­ǵaýǵa alynǵan. Qalalyq aýrýhana mańaıynda ha­lyq biraz jınalyp, tý­ma-týys, dos-jaran­darynyń jaǵdaıyna alań­daýly eken. Aýrýhana bas dári­geri­niń oryn­basary R.Japarovany áńgimege tarttyq. Bizde 16, 17, 18 jeltoqsanda dárigerlik kómek surap kelgen 99 adam tirkeldi. Biraz adamǵa jedel járdem kórsetildi. Kúni búgin 23 adamǵa kómek kórsetilip, em jasalýda. 28 adam Aqtaýǵa jónel­til­di. Bizge kelgenderdiń 85 paıyzy oq tıip, dene jaraqatyn alǵandar. Jas mólsherleri 18-30 jas aralyǵyndaǵy adamdar. Naýqastarǵa qajetti dári-dármek pen qan jetkilikti ekendigin jetkizdi. Qalalyq shtabta oblystyq ishki ister de­par­­tamentiniń bastyǵy, qala komendanty, polısııa polkovnıgi A.Qabylovpen áńgime­les­tik. Elbasy­nyń Jarlyǵymen 17 jeltoq­san­nan bastap Jańa­ózen qalasynda tótenshe jaǵ­daı engizildi. Men sol Jar­lyqqa oraı Jańa­ózen qala­sy­nyń komendanty qyz­metin atqa­ryp ja­tyrmyn. Jarlyqqa oraı qalaǵa kelip-ketý ýa­qytsha shektelip, basqa da qaýip­sizdik zańdy­lyq­tary saq­talýda. Qala túgel­deı derlik ba­qy­laýǵa alyndy. Qazaq gaz óńdeý zaýyty, «Qaztransoıl» AQ obektilerine jáne basqa da halyqqa qyzmet kórsetetin nysandarǵa ba­qy­laý qoıyldy. Ju­mystary birqalypty jú­rý­de. Azyq-túlik jetkizilip, 3 naýbaıhana ju­mys isteı bastady. Qala­lyq ákimdik ýaqytsha dene shynyqtyrý jáne sport keshenine or­na­lasty. 20 jeltoqsan kúni qala­da senbilik ót­ki­zip, kóshelerdi, áleýmettik nysandar mańaıyn tazalaý josparlanýda, bul jumysty qa­la­lyq «Tazalyq» seriktestigi qolǵa alady. Buza­qy­lar­dy izdeý, tergeý jumystary júrip jatyr. Barlyǵy 700-ge jýyq adam tekserilip, 49 adam tutqyndaldy. Bir sózben aıt­qan­da, qoǵamdyq tártip qatań baqy­la­nyp, turǵyn­dar­dyń qaýip­sizdigin saqtaý úshin qol­dan kelgen­niń bári jasalýda. Sondaı-aq qalada Ja­ńaózen qalasy­nyń ekonomıkasy men áleýmettik ómi­rin shuǵyl arada qalpyna keltirý maqsatynda qu­rylǵan komıssııa músheleri de jumys jasaýda. Sol kúni oblys ákimi Q.Kósherbaev qala­da­ǵy qalypty turmysty qamtamasyz etýshi qu­ry­lym­dar qyzmetin qalpyna keltirý máse­leleri bo­ıyn­sha jumys keńesin ótkizdi. Oǵan Tótenshe jaǵ­daı­lar mınıstri, Úkimettik komıssııa tór­aǵa­synyń orynbasary, ishki komıssııa jetekshileri V.Bojko, Baılanys jáne aq­parat mınıstri A.Ju­maǵalıev qatysty. Onda birinshi kezekte jergilikti atqarý­shy bılik­tiń qalypty jumy­sy úshin barlyq jaǵ­daı­dy jasaý qajettigi aıtylyp, ony jedel úı­les­tirý sharalary belgilendi. Qoryta aıtqanda, Jańa­ózendegi jaǵ­daı­dy qalypqa keltirip, azamat­tar­dyń qaýip­siz­digin saqtaý jolyndaǵy ju­mys­tar júıeli jú­rip jatyr. Jolaman BOShALAQ.