Aýylǵa bólinetin nesıe kóbeıdi

Baǵdarlamanyń operatorlary holdıngtiń enshiles kompanııalary – «Agrarlyq nesıe korporasııasy» AQ jáne «Aýyl sharýashylyǵyn qarjylaı qoldaý qory» AQ. «Aýyl sharýashylyǵyn qarjylaı qoldaý qory» AQ Basqarma tóraǵasy Jandar Omarov Elbasynyń bes áleýmettik bastamasynyń ishinde shaǵyn nesıeleý kólemin ulǵaıtý boıynsha atqarylǵan jumystardy atap ótti.

«Osy tapsyrma aıasynda aýyldyq mekenderge baratyn shaǵyn nesıe kólemi 30 mlrd-tan 44,7 mlrd teńgege ul­ǵaıǵan. Onyń ishinde «Aýyl sharýashylyǵyn qarjylaı qoldaý qory» 27,2 mlrd teńgeni ıgerýdi josparlap otyr. Burynǵy osy baǵdarlama boıynsha beril­gen qarajatty es­ker­sek, bıylǵa jalpy «Eńbek» baǵdarlamasy arqy­ly 30 mlrd teńgeden astam shaǵyn qarjylar bólinedi dep josparlanǵan. Búgingi tańda 10 mlrd teńge ıgerildi. Oǵan 2835 nesıe berildi. Sonyń arqasynda 3432 adam jumyspen qam­tyldy. Onyń ishinde 78 prosentti bastapqy jobalar qamtıdy. Aıta ketetin taǵy bir jaıt, biz bıyl­dan bastap «Sybaǵa» baǵdar­lamasyn qaıta engizip jatyrmyz. Bul baǵdarlama boıynsha ımporttalǵan asyl tuqymdy iri qara jáne otandyq usaq múıizdi mal, tehnıka men jabdyqtar satyp alýǵa 40 mln teńge 15 jylǵa deıingi merzimmen jyldyq ústem aqysy sýb­sı­dııa­men eseptegende 4 prosentke deıin túsirilip beriletin bolady. Qazirgi ýaqytta atalǵan baǵdar­lamaǵa suranys joǵa­ry jáne júıeli túrde iske asyry­lyp jatyr», dedi ol.

«Eńbek» baǵdarlamasy sheńberinde jeńildetilgen shaǵyn nesıeler 5 jylǵa deıingi merzimge beriledi, mal sharýashylyǵy sala­syn­­daǵy jobalarǵa jáne aýyl­sharýashylyq koope­ra­tıvterin qurý úshin – 7 jylǵa deıin, syıaqynyń jyldyq tıimdi mólsherlemesi – jylyna 6 prosentten aspaıdy. Sharýa qojalyqtary men fermerlik sharýashylyqtar úshin aýylsharýashylyq salasyndaǵy jobalarǵa shaǵyn nesıelerdiń kólemi 19 mln teńgege deıingi somany quraıdy. Aýyl sharýa­­­­­shy­lyǵyna jat­­­­­paı­tyn bıznes túrleri úshin 6 mln teńgege deıingi ne­sıe qarajaty bó­linedi. Nesıe­ler mal, ósim­dik sha­rýa­­­­­­­­shylyq­taryna, son­daı-aq aýyl­dy jerler­degi bıznestiń aýyl sharýa­shylyǵynan tys túrlerine beriletin bolady.

Raýan QAIDAR,

«Egemen Qazaqstan»