Táýelsizdik sharty – el birliginde

Saltanatty mereke kúni búkil halyq, otandastary­myz aldynda sóz sóılegen  Elbasy «Qazaqstan­dyqtar­dyń turaq­tylyq pen kelisim baǵy­tyn, údemeli ındýstrııalandyrý, ın­no­­vasııalyq damý men ıntegrasııa ba­ǵytyn qoldaıtynyna men esh kú­mándanbaımyn, óıtkeni oǵan balama joq», dep atap kórsetti. «Bul – bizdiń ortaq mindetimiz. Qazaqstan – bir­tutas jer, bir­tu­tas halyq, birtutas bo­la­shaq. Men barsha qazaqstan­dyq­tardy ult­ara­lyq jáne konfes­sııa­aralyq kelisimdi odan ári ny­ǵaıtýǵa sha­qyramyn. Olar bizdiń máńgilik qundylyq­ta­rymyz. Osy­naý bul­jy­mas aqıqatty saqtaı otyryp qana biz máńgi halyq, máńgi elorda jáne máńgi memleket týraly aıta alamyz», dep árbir elim deıtin qa­zaq­standyqtyń júreginde, sa­na­syn­da qalatyn salı­qa­ly sózder ar­nady. El birligin kóz­diń qarashy­ǵyn­daı saqtańdar. Bizdiń táýelsiz­digimizdiń basty jetistigi jáne ony nyǵaıtýdyń sharty – ha­lyq­tar birligi, dedi óz sózinde Elbasy. Bizdiń oblys ortalyǵynda el táý­elsizdiginiń 20 jyldyǵy qar­sańynda  etnomádenı orta­lyq­tar al­leıa-alańy ashyldy. Osy­dan úsh jyldaı ýaqyt buryn «Dos­tyq úıiniń» paıdalanýǵa berilý saltanatty rásimine Elbasy Nursultan Nazarbaev qatysty. Bul kúnderi «Dostyq úıinde» ob­lystyq Qa­zaq­stan halqy As­sam­bleıasynyń hatshylyǵy,  18 etno­má­denı birlestik, As­sam­bleıa­sy­nyń jastar birlestigi, ult­tyq órkendeý mek­tebi, «Ana tili» tilderdi da­mytýdyń oqytý-ádis­te­melik or­ta­lyǵy, «Qazaq tili» qoǵamy ornalasqan. So­ny­men qatar, 20 etnostyń mádenıe­tin dáripteıtin 42 shyǵarmashy­lyq ujym jumys isteıdi. Mamyr aı­ynda «Maqsaty birdiń – rýhy bir» uranymen «Dostyq. Birlik. Táý­elsizdik» atty etnostyq top­tar­dyń HIV oblystyq festıvali ótti. «El qazynasy» jobasy aıa­synda «Ertis – dostyq ózeni» at­ty halyqara­lyq festıval uı­ym­dastyrylady. Bıylǵy jyly etnomádenı birlestikter jumy­syn atqarý isine 25 mıllıon teń­ge bólindi. О́zge ult ókilderi memlekettik tildi meńgerýde. Oblys aýmaǵynda osy baǵyt aıasynda tıisti jumystar atqarylýda. Memlekettik tildi jáne qazaq halqynyń salt-dástúrin úıretý oblystyń lıngvıs­tıkalyq lagerleri men alańdary­nyń oqý baǵdarlamasyna engizilgen. Elimizdegi halyqtar arasyndaǵy dostyq pen ultaralyq kelisim, yntymaqtastyq, beıbitshilikke aq jol tilegim keledi. Men ózim, basqa da etnomádenı ortalyqtar músheleri  sııaqty Táýelsizdik toıyna arnaǵan Elbasy sózinen jiger alyp, qanattandyq. Elimiz dostyq pen tatýlyqtyń mekenine aınalyp otyr. Bul elimiz úshin asa úlken mártebe dep esepteımin. Seısenbaı JETPISBAEV, oblystyq Qazaqstan halqy Assambleıasy tóraǵasynyń orynbasary. Pavlodar.