Premer-mınıstrdiń orynbasary Asqar Jumaǵalıevtyń tóraǵalyǵyndaǵy Memlekettik qyzmetterdi irikteý boıynsha vedomstvoaralyq komıssııa QR Ulttyq qaýipsizdik komıtetimen kórsetiletin memlekettik qyzmetterdi kórsetý merzimin qysqartý jaıly sheshim qabyldady.
Endi úshinshi eldermen saýda-sattyqta tarıftik emes retteý sharalary qoldanylatyn aqparatty jasyryn alýǵa arnalǵan arnaıy tehnıkalyq quraldardy ákelýge, áketýge jáne olardyń tranzıtine qorytyndy berý qujaty burynǵydaı 15 kúntizbelik kúnde emes, 8 jumys kúninen keıin beriletin bolady.
Úshinshi eldermen saýda-sattyqta tarıftik emes retteý sharalary qoldanylatyn shıfrlaý (krıptografııalyq) quraldaryn ákelýge, áketýge jáne olardyń tranzıtine qorytyndy berý qujatyn berý merzimi da 15 kúntizbelik kúnnen 8 jumys kúnine deıin qysqartyldy.
Shıfrlaý (krıptografııalyq) quraldaryn qamtıtyn taýarlardyń sıpattamasy týraly notıfıkasııalardy tirkeý jumystary da endi 10 jumys kúni ornyna 5 jumys kúni ishinde oryndalatyn bolady.