Aıagóz aýdanynyń Shyńǵoja batyr aýylynyń osydan 15 jyl buryn mektep bitirgen túlekteri aýyldastaryna erekshe syı jasady. Olar shyńǵojalyq balalarǵa quny 2 mıllıon teńgeden asatyn ádemi oıyn alańyn tartý etti.
Atalǵan eldi mekenniń 2003 jylǵy túlegi Madııar Bendebaev aýyldaǵy ortalyq kóshelerdiń birinde oryn tepken oıyn alańynda balalarǵa qajet altybaqan, átkenshek, syrǵanaq sekildi dúnıelerdiń barlyǵy bar ekendigin aıtady.
«О́zimiz týyp-ósken aýylǵa kómektespegende kimge kómektesemiz? Bizdiń balalyq shaǵymyzda jazda sýǵa túsip, ártúrli oıyndar oınaýshy edik. Qysta aýyl syrtynda shańǵy tebetinbiz. Qazirgi balalar telefon men ınternet jelilerinde kóbirek otyrady. Maqsatymyz – jas órkender taza aýada kóp júrip, ýaqyttaryn mándi de maǵynaly ótkizse deımiz. Sol úshin de osynaý oıyn alańyn syıǵa tartyp otyrmyz», – deıdi ol.
Azamat QASYM,
«Egemen Qazaqstan»
Shyǵys Qazaqstan oblysy,
Aıagóz aýdany,
Shyńǵoja aýyly