Jastyqtyń jalynyn laýlatyp

Beıbitshilik jáne kelisim saraı­ynda «Seniń armandaǵan ordań» atty mıýzıkl qoıyldy. Negizgi ózegi máńgilik taqyryp – mahabbatqa ar­nalǵan bul mıýzıkldi Qazaq ulttyq óner ýnıversıteti uıymdastyryp, Táýelsizdik merekesine oraı asta­nalyqtar nazaryna usyndy. Shara bastalmas buryn sahna syrtyndaǵy qarbalasta mıýzıkl rejısserleriniń biri, Qazaq ulttyq óner ýnıversıtetiniń teatr-kıno já­ne teledıdar fakýltetiniń de­ka­ny Bekbolat Qurmanǵojaevtan bul sah­nalyq qoıylym týraly aıtyp berýin suraǵanbyz. Rejısser el Táý­elsizdiginiń 20 jyldyǵyna arnap uıymdastyrǵan spektaklge ýnıversıtet stýdentteri qatysyp jat­qandyǵyn, qazaq, orys, aǵyl­shyn tilderinde júretin mıýzıkl 1962 jylǵy Helsınkıde ótken dú­nıejúzilik jastar festıvalinen bas­taý ala­tynyn aıtty. Endi sóz oraıynda, ıdeıa avtory, ýnıversıtet rektory Aıman Mu­sa­qojaeva, al avtory Gúlbaný Úke­taıqyzy, kompozıtory Serik Erkinbek ekenin aıta otyryp, Sankt-Peterbýrgten kelgen ataqty teatr sýretshisi Vıacheslav Okýnevtiń, qo­ıylym rejısserleri Nurqanat Ja­qypbaı jáne Bekbolat Qurmanǵo­ja­evtyń spektakldi sahnaǵa shy­ǵarý barysynda kóp ter tókkenin de aıta ketsek deımiz. Iá, mıýzıkl boıynda jastyq­tyń jalyndy lebi tunyp tur. Spektaklge qatysqan jastardyń bári de sahna kórkine aınaldy dese de bolady. Sodan da bolar, Beıbitshilik jáne kelisim saraıyn lyq toltyrǵan jastar bul qoıylymdy bir demmen súısine kórip shyqty. Al qoıylym sońynan keıin ýnıversıtet rektory, mıýzıkl avtory Aıman Qojabekqyzy qoıylymnyń kóńildegideı shyǵýyna qatysqan barsha adamdarǵa alǵys aıtty. Venera TÚGELBAI.