Áleýmettik mindettemeler adal atqarylýda

Bizdiń «QMG» BО́» aksıonerlik qoǵamy ózi qurylǵan kezden bastap «О́zenmunaıgaz», «Embi­munaıgaz» ujymdarynyń qu­qyq­tyq murageri retinde áreket etip, olardyń moınyndaǵy áleý­mettik mindettemelerdiń bar­ly­ǵyn júzege asyryp keledi. Sodan bergi ýaqytta ujymǵa bólin­gen áleýmettik shyǵyndar kóle­min 5 ese arttyrdyq. Olar – jumysshylardy áleýmettik qor­ǵaý sharalary, ujymdyq shart boıynsha mindettemeler, áleý­met­tik saladaǵy ınvestısııalar jáne basqalar. Biz ózimiz jumys isteıtin jer­lerdiń barlyǵynda júıe qu­raýshy kompanııa bolyp esepteletindikten júktelgen áleý­met­tik mindettemelerdiń barlyǵyn adal atqaryp kelemiz. Sonyń ishin­de birinshi kezekte jer qoı­naýyn paıdalaný jónindegi kelisimge úlken mán beremiz. Osy baǵyt boıynsha ǵana jyl saıyn Mańǵystaý oblysyna 900 mıllıon teńgeniń ınvestısııalary bólinip keledi. Munyń syrtynda bizdiń áleý­mettik áriptestik baǵytynda da júrgizip jatqan jumystarymyz az emes. Ákimdikter ózderi qyz­met kórsetetin óńirlerde birqa­tar áleýmettik jobalardy júze­ge asyrý jóninde usynys jasa­dy. Olardyń barlyǵy atqarylý­da. Tek osy baǵyt boıynsha ǵana ústimizdegi jyly 907 mıllıon teńge qarjy bólindi. Mine, osy qarjylardyń barlyǵy aspannan túsken joq. Olar kompanııa ta­ba­tyn taza paıda esebinen bó­liný­de. Eger Jańaózen qalasynda júzege asyrylyp jatqan ju­mys­tarǵa keletin bolsaq, 2009, 2010, 2011 jyldary ǵana biz osy qalanyń kórkeıýine 20 mıllıard teńgeden astam qarjyny shy­ǵyn­dappyz. Mine, osy qarjy­larǵa kóptegen ınfraqury­lym­dyq jobalar júzege asty, áleý­mettik nysandar salyndy. Osy­dan 20 jyl buryn bul qala qan­daı edi? Qazir qandaı? Muny qarapaıym kózben-aq aıqyn ajyratýǵa bolady. Búgingi kúni mundaǵydaı sporttyq-saýyq­ty­rý keshenin basqa qalalardan kez­destirý tym qıyn. Munda sporttyń 15 túrimen shuǵyl­da­ný­ǵa bolady. 300 oryndyq stadıon halyqaralyq talaptarǵa sáıkes. Tek ótken jyldyń ózin­de ǵana 100 aýlany tártipke kel­tirip, 10 shaǵyn fýtbol alańyn iske qostyq. Fıtnes-klýb, basseın, taǵy basqa da áleýmettik ınfraqurylymdar – bizdiń el Táýelsizdiginiń 20 jyldyǵyna jasaǵan tartý­lary­myz. Mine, osy­lardyń bar­lyǵy munaı­shy­lar men qa­lada turatyn halyqqa jasalǵan jaqsylyqtar. Tek bıylǵy jyldyń ózinde ǵana el Táýelsizdiginiń 20 jyl­dy­ǵy men Mańǵystaý munaıy­nyń 50 jyldyǵyna oraılastyra 3,7 mıllıard teńge qarjy ból­dik. Bul bizdiń moınymyzǵa al­ǵan áleýmettik mindettemelerimizden tysqary jasalynyp jat­qan jaǵdaılar. Kaspıı teńiziniń jaǵalaýy­nan 250 oryndyq lager, jy­ly­na 3300 adamǵa qyzmet kór­se­­te­tin medısınalyq saýyq­ty­rý or­talyǵy salyndy. Jańa­ózen­dik­ter osy áleýmettik oryn­dardyń barlyǵynyń ıgilikterin kórip otyr. Medısınalyq erikti saq­tan­dyrý qyzmeti bo­ıyn­sha tek óz qyzmetker­leri­mizdi ǵana emes, sonymen qatar, qala halqyn tegis qamtyp otyr­myz. Mundaı qyz­met 14 myń adamǵa kórsetildi. Munyń syrtynda biz munaı­shylardy tek óz elimizde ǵana emes, sonymen qatar odan da tys­qary jerlerge kýrorttar men sanatorıılerge tegin joldamamen jiberip kelemiz. Tipti balalardy da nazardan tys­qa­ry qaldyryp otyrǵan joqpyz. Ár jyl saıyn 4-5 myń bala Re­seıdiń, Ýkraınanyń saýyq­tyrý jáne demalys oryndarynda, óz elimizdiń – Almaty, Shymkent, Qos­tanaı qalalarynda dema­la­dy. Jyl saıyn balalardyń de­malýyna 700 mıllıon teńge qarjy bólemiz. Biz balalardyń alystaǵy qalalarǵa baryp-qaı­týyn ushaq boıynsha arnaýly charterlik reıster arqyly qaýip­­sizdik jaǵdaıynda qam­ta­masyz etetin birden-bir kom­panııamyz. Ujymnyń árbir qyzmet­kerine ár jyl saıyn bóletin áleý­mettik paketter boıynsha qar­jymyzdyń ózi 1 mıllıon teńgeden aınalady eken. Árıne, bul jalaqydan tys júrgizip kele jatqan tólemderimiz. Sondyqtan men kompanııanyń áleýmettik salada júrgizip kele jatqan jumystaryn bizdiń munaıshylar baǵalaıdy jáne durys túsinistikpen qaraıdy degen úmittemin. Bizdiń tirshili­gimizdiń basty negizi – birlik. Sondaı jaǵdaıda ǵana barly­ǵy­myz birlesip, alǵa basa beretin bolamyz. Oral YDYRYSOV, «QazMunaıGaz» BО́» AQ áleýmettik saıasat departamentiniń dırektory.