Memleket basshysy óńirdegi irgeli istermen tanysyp, oblys aktıvimen kezdesedi dep kútilip otyr. Sondaı-aq oblystyń áleýmettik-ekonomıkalyq damý qarqynyn baqylaıdy.
Nursultan Nazarbaev Atyraý oblysynyń birneshe áleýmettik-ekonomıkalyq nysandaryn aralaıdy. Prezıdent baratyn eń alǵashqy nysan – «Dáýlet nan seriktestigi». Munda Elbasy nazaryna nan ónimderinen bólek, klasterlik negizde qurylǵan keshendi óndiris oryndary tanystyrylady.
Budan ári Nursultan Nazarbaev «Embimunaıgaz» aksıonerlik qoǵamynyń ıntellektýaldy jobalaryn kóredi. Onyń ereksheligi qala ortalyǵyndaǵy keńseden ken oryndaryn qashyqtan basqarýǵa bolady.
Sondaı-aq búgin Prezıdent baratyn nysandardyń qatarynda qara altyn kenishterine metall buıymdaryn daıyndaıtyn seh ta bar. Sońǵy eki jyldan beri ondaǵy óndiristiń birshama bóligi avtomattandyrylǵan. Munda dánekerleýshi, tokar syndy mamandardyń jumysyn robot atqarady. Kásiporynnyń jyldyq qýattylyǵy jylyna myń tonna metall buıymyn shyǵarýǵa múmkindik beredi.
Memleket basshysy nysandardy aralap bolǵan soń, oblys aktıvimen kezdesedi dep kútilip otyr. Onda aımaq basshysy Nurlan Noǵaev esep beredi.