23-25 tamyz aralyǵynda Aqtóbe oblysynyń Baıǵanın aýdany qurylǵanyna 90 jyldyǵyn atap ótýde. Ataýly dataǵa arnalǵan sharaǵa Astana, Almaty, Túrkistan, Qyzylorda, Atyraý, Mańǵystaý, Soltústik Qazaqstan jáne Batys Qazaqstan oblystarynan 350-den astam qonaqtar qatysýda. Juma, 24 tamyzda Qaraýylkeldi aýylynda ótken sharaǵa oblys Berdibek Saparbaev qatysty.
Bul kúni ortalyq stadıonda saltanatty teatrlandyrylǵan konserttik shara boldy. Bul táýelsiz Qazaqstannyń qalyptasý tarıhy týraly baıandaıtyn kórkem qoıylym boldy.
Oblys ákimi quttyqtaý sózinde Baıǵanın aýdanynyń ulttyq mádenı dástúrlerdi saqtaýda jáne aımaqtyń damýyna erekshe úles qosyp kele jatqanyn atap ótti.
«Bir jyl buryn Memleket basshysy «Rýhanı jańǵyrý» baǵdarlamasyn jarııalady. Búginde Qazaqstan álemdegi básekege qabiletti 50 eldiń qataryna engen álemdik arenadaǵy eń mańyzdy memleketterdiń biri bolyp tabylady. Dınamıkalyq ekonomıkalyq ósý jaǵdaıynda ulttyq sáıkestikti umytpaý jáne ony urpaqtarǵa jalǵastyrý mańyzdy. Osy jerden shyǵyp, ulttyq mádenıetke úles qosqandardyń úlesin asyra baǵalamaý múmkin emes, bul jerde uly aqyndar, jyrshylar, eńbekteri ulttyń baılyǵy bolǵan ǵalymdar týǵan. Jer baılyǵy da búkil óńirdiń damýyna qyzmet etedi, - dep oblys ákimi óńirdiń odan ári gúldenýine tilegin arnady.
Sapar barysynda óńir basshysy, sondaı-aq jastar kovorkıng ortalyǵy men múmkindigi shekteýli balalarǵa arnalǵan shaǵyn-ońaltý ortalyǵynyń qurylysymen tanysty. Jergilikti aýyl sharýashylyǵy ónimderiniń jáne qolóner sheberleriniń jármeńkesine qatysyp, jazýshylar ortalyǵynyń jańa alleıasyn qarap shyqty. Barlyq úsh joba bıznestiń áleýmettik jaýapkershiligi aıasynda júzege asyrylady. Atap aıtqanda, ońaltý ortalyǵynyń qurylysyn «CNPC-Aqtóbemunaıgaz» AQ qarjylandyrady. Ashylýy bıylǵy jyldyń qazan aıyna josparlanǵan. Munda mamandar 50 balaǵa qyzmet kórsete alady. Aýdanda múgedektigi bar 76 bala tirkelgen. Sonymen qatar, kovorkıng ortalyǵy «KKBK «Uly qabyrǵa» JShS esebinen turǵyzylýda.
Sonymen qatar, aımaq basshysy jańa sport alańdaryn qarap shyqty. Olardyń biri Qaraýylkeldi aýylynyń orta mektebiniń aýmaǵynda bolsa, basqa qurylystar «Samuryq-QazynaTrust» áleýmettik jobalardy damytý qorynyń qoldaýymen jalǵasýda.
Senbi kúni aýdan ortalyǵynda ulttyq sport túrleri qazaqsha kúres, alaman báıge, toq báıge, kókpar tartý, teńge ilý, aýdaryspaqtan aýqymdy jarystar bolady. Jeńimpazdar aqshalaı syılyqtarmen marapattalady.
Temir Qusaıyn