Florıda shtatyndaǵy oıyn-saýyq kesheni aýmaǵynda eki adamdy atyp, onshaqty adamdy jaralaǵan jas jigittiń psıhıkalyq aýytqýshylyǵy bar ekendigi anyqtaldy, dep habarlaıdy Associated Press.
24 jastaǵy Devıd Kats psıhatrıalyq ortalyqta eki ret jatyp shyqqan bolýy yqtımal. Oǵan depressııaǵa arnalǵan psıhotroptyq túrli preparattar reseptin bekitip bergen.
Kats jasóspirim shaǵynda mektepke barýdan jıi tartynǵan. Anasy kompıýterlik oıyndarǵa táýeldi dep sanaǵan.
Dúısenbi kúngi baspasóz otyrysynda sherıf Maık Ýılıams jigittiń Madden NFL týrnırin oınap shyqqan soń, kóshedegi halyqqa oq jaýdyrǵanyn málimdedi. BAQ betterinde jazylǵandaı, Kats atyp óltirgen eki jigit týrnır kezindegi qarsylastary bolyp shyqqan. Keıin Kats ózine de oq atyp, qaıtys bolǵan.
Sońǵy ýaqytta AQSh-ta qoǵamdyq oryndarda halyqqa oq atý jaǵdaılary jıi kezdesetin boldy.