Prezıdent Nursultan Nazarbaevtyń Qazaqstannyń ıadrolyq muradan bas tartý týraly sheshimi halyqaralyq qaýymdastyqqa ıadrolyq qarýsyz álemge qol jetkizýge bolatynyn kóre alýǵa kómektesti. Bul týraly Syrtqy ister mınıstri Qaırat Ábdirahmanov Astanadaǵy Iаdrolyq synaqtarǵa jappaı tyıym salý týraly shartty uıymynyń «О́tkendi eske alyp, bolashaqqa betteý» atty halyqaralyq konferensııasynyń ashylý saltanatynda atap ótti.
«Jahandyq qaýipsizdik pen bolashaq urpaq úshin senimdi keleshekke qaraý kepildigi álemniń tolyǵymen ıadrolyq qarýdan bosaýy jaǵdaıynda ǵana bolýy múmkin. Qazaqstan memleketterdiń ulttyq qaýipsizdigin yntymaqtastyq jáne ózara senim jolymen qoldaýǵa bolatynyna nyq senimdi» - dep, Q. Ábdirahmanov baıandady. Mınıstr tıisti úkimetter men parlamentterdi IаSJTShU-ǵa qol qoıýǵa jáne ony ratıfıkasııalaýǵa shaqyrdy.
Beskúndik konferensııa Astanada Jastar tobynyń jáne IаSJTShU Bedeldi qaıratkerleri toptaryn jınady. Is-shara Qazaqstan Prezıdenti N.Á. Nazarbaevtyń bastamasy boıynsha BUU Bas Assambleıasy jarııalaǵan ıadrolyq synaqtarǵa qarsy is-qımyldyń Halyqaralyq kúnine arnaldy. Konferensııa qatysýshylary ıadrolyq synaqtar qurbandaryn bir mınýt únsizdikpen eske aldy. Konferensııa barysynda Q. Ábdirahmanov pen IаSJTShU Atqarýshy hatshysy Lassına Zerbo 29 tamyzda IаSJTShU kúshine enýdiń aınymastyǵyn atap ótip, Birlesken málimdeme qabyldandy.
«Qazaqstan úshin osy kún Semeı polıgonyndaǵy ıadrolyq synaqtardyń qaıǵyly saldaryn eske alý úshin ǵana emes, sonymen qatar ıadrolyq qaýipten erkin bolashaqty qurý maqsatynda, pikirles memleketterdiń, azamattyq qoǵam ókilderin jáne jekelegen tulǵalardyń kúsh-jigerlerin biriktirý úshin atap ótiledi» - dedi Mınıstr. Ol bir jyl buryn, 29 tamyzda Astanada Ǵalymdardyń beıbitshilik úshin Pagýosh konferensııasy ótkenin, sondaı-aq MAGATE Tómen baıytylǵan ýran banki iske qosylǵanyn eske saldy. Aǵymdaǵy jyldyń 6 qyrkúıeginde BUU Bas Assambleıasy 29 tamyz kúnine arnalǵan joǵary deńgeıdegi birinshi kezdesýge jınalady.
«Qazaqstan Prezıdentiniń Semeı ıadrolyq polıgonyn jabý týraly tarıhı sheshimi dáleldi saıası joldaý boldy, nátıjesinde ol 1996 jyly IаSJTShU qabyldaý boıynsha halyqaralyq kúsh-jigerge járdemdesti. О́tken jyldarda Qazaqstan IаSJTShU-ǵa jaqsy qoldaý kórsetip, onyń maqsattaryna qol jetkizýindegi tabandylyqty kórsete bildi. Qazaqstan álemde ıadrolyq synaqtarǵa resmı tyıym salǵan ǵana emes, sonymen qatar kólemi boıynsha ıadrolyq qarýdyń tórtinshi arsenalynan bas tartqan birinshi memleket boldy» - dep, SIM basshysy atap ótti.
Qazaqstan jalpy maqsattarǵa qol jetkizý úshin barlyq deńgeılerde, sonyń ishinde azamattyq qoǵammen belsendi jumys jasaýǵa múddeli. Osy jumys 2012 jyly iske qosylǵan ATOM halyqaralyq jobasymen (AbolishTestingisOurMission – Bizdiń mıssııa – synaqtardy boldyrmaý) ózara is-qımyl jasaýdan quralady. Mınıstr barlyqtaryn ıadrolyq synaqtarǵa máńgilik tyıym salýǵa úndeıtin Atom jobasynyń onlaın-petısııasyna qol qoıýǵa shaqyrdy.
«Taǵy da bir qadam retinde biz memleketterdi Iаdrolyq qarýǵa tyıym salý týraly shartty qoldaýy týraly málimdeýge shaqyramyz. Qazaqstan 2018 jylǵy 2 naýryzda qujatqa qol qoıyp, qazirgi ýaqytta ony ratıfıkasııalaýǵa daıyndalýda», - dep, vedomstvo basshysy habarlady.
Mınıstr Koreıa aralyq sammıtten jáne AQSh pen QHDR arasyndaǵy alǵashqy kezdesýden bastalǵan Koreıa túbegimen baılanysty sońǵy oqıǵalar, túbekti tolyǵymen denýklearızasııalaýǵa ákeletinine senim bildirdi. «Álemniń osy bóligindegi jaǵymdy ózgerister IаSJTShU úshin úlken serpin bola alady jáne Qazaqstan, óziniń ıadrolyq qarýdan bas tartýdyń, áskerı ınfraqurylymdy joıý men turaqty jáne órkendeıtin bolashaqty tańdaýdyń biregeı tájirıbesin eskere otyra, qoldaý kórsetýge daıyn» - dedi, Q. Ábdirahmanov.
IаSJTShU Astanadaǵy konferensııasyna “Nuclear Threat Initiative” vıse-tóraǵasy Desmond Braýn, IаSJTShU burynǵy atqarýshy hatshysy Volfgang Hoffman, BUU qarýsyzdandyrý máseleleri jónindegi burynǵy joǵarǵy ókili Angela Keın, Japonııanyń Atom energııasy komıssııasynyń vıse-tóraǵasy NobýıasýAbe, BUU qarýsyzdandyrý máseleleri jónindegi burynǵy joǵarǵy ókili Serhıo Dýarte sekildi Uıymnyń Bedeldi qaıratkerleri tobynyń ókilderi jáne basqalary qatysady.