«Pedagogıkalyq ıdeıalar panoramasy» respýblıkalyq baıqaýynyń qalalyq kezeńine qatysýǵa ótinish bildirgen almatylyq muǵalimder baıqaýǵa qyzý daıyndyq ústinde. Maýsym aıynda bastalǵan konkýrstyń qalalyq kezeńi jumysyn qorytyndylap, óz jeńimpazdaryn áıgileıtin kez de jaqyn.
Ustazdar daıyndyqtaryn shańdaý maqsatynda «О́rleý» BAUO» AQ Almaty qalasy boıynsha fılıalynda ádistemelik keńester alýda. Baıqaýǵa qatysýshylar № 173 mektep-lıseıiniń bastaýysh synyp muǵalimderi Gúlnur Ásembaeva men Aına Ábilqasymqyzy beıne-sabaqtar men dáristerdi daıyndaýda biraz izdenisterge barýǵa týra kelgendigin aıtady. Qazirgi kezde ustazdar ozyq tájirıbelerimen bólisý úshin ashyq sabaqtar, biliktiligin arttyrý kýrstaryna, semınarlarǵa qatysyp, jan-jaqty izdeniste. Baıqaýǵa usynatyn beıne-sabaqtardy daıyndaýda taqyryptyń mazmuny, mańyzy men qatar kórsetilimniń sapasy da ádilqazylardyń synyna túsedi.
Baıqaý qatysýshylary úshin qazirgi kezde «О́rleýdiń» YouTube jelisindegi tańdaýly beıne-sabaqtarymen qatar ustazdardyń biliktiligin arttyrýǵa baılanysty aqparattary jetkilikti.
Baıqaý qatysýshylary qajyrly eńbek, is-tájirıbeleriniń nátıjesi ádil baǵalanady degen úmitte. Mundaı baıqaýlar básekelestik ortamen qatar, ustazdarǵa biliktiligin arttyrýǵa jasalǵan mol múmkindik.
Elvıra Serikqyzy,
«Egemen qazaqstan»
ALMATY