28 qyrkúıekte «Uly Dala Eline saıahat» jobasynyń «Jańa Jibek joly» baǵdary boıynsha qatysýshylary Túrkistan oblysyndaǵy tarıhı oryn — Otyrar qalasyna kelip jetti, dep habarlaıdy primeminister.kz.
12 kúnde ekspedısııa qatysýshylary oblyspen Orta Azııadaǵy eń ertedegi qoryqtardyń biri Aqsý-Jabaǵylydan bastap tanysqan edi. Qoryqtyń jalpy aýdany 131 934 ga quraıdy. Bul jerdi sırek kezdesetin janýarlar mekendeıdi jáne munda 170-ten asa ósimdik túri ósedi.
Aqsý-Jabaǵyly qoryǵynyń aýmaǵynda ártúrli ekskýrsııalar júrgiziledi. Tabıǵatty súıýshiler úshin ekologııalyq ekskýrsııalar jáne mektep oqýshylaryna arnalǵan balalar baǵdarlary bar. Qoryqta adamdardyń eń kóp baratyn jerleriniń biri — Aqsý shatqaly, ol kóne zamandarda turaq orny bolǵan, muny tastaǵy sýretter kýálandyrady. Shatqaldyń tereńdigi 1800 m.
Batys Tıan-Shannyń shyǵys bóliginde ornalasqan Saıram-О́gem memlekettik tabıǵı parkinde baǵdar qatysýshylary 2350 metr bıiktiktegi Saıramsý kóline toqtady. Bul muzdyqtan paıda bolǵan tamasha kórinisti kól, sýy óte salqyn, óıtkeni kól qýatty jerasty bulaqtardan tolyǵyp otyrady.
Budan basqa, baǵdar qatysýshylary Uly Jibek jolyndaǵy taǵy bir áıgili qala – Saýrannyń ornyn kórdi. Búginde óńir ókimetteri qalany týrıster úshin tartymdy orynǵa aınaldyrýǵa bar kúshterin salýda. Týrızm ındýstrııasyn damytý, jańa nysandar qurylysy jáne kóshelerdi rekonstrýksııalaý qala ákimshiligi ázirlegen «Kóne Túrkistan» tujyrymdamasynda qarastyrylǵan.
Bul eń mazmundy baǵdarlardyń biri boldy, óıtkeni saıahatshylar múlde az ýaqyt ishinde meılinshe kóp jerlerge bardy, olardyń arasynda: Jarkent, Qorǵas selosy, Saty kenti, taý bıigindegi Kólsaı kólderi men Qaıyńdy kóli, Sharyn memlekettik ulttyq tarıhı parki, Temirlik shatqaldary, Bekinister alqaby, «Altyn Emel» memlekettik ulttyq tabıǵı parki, Aqtaý taýlary, Ánshi qum, Talqyz qalasynyń orny, Tańbaly shatqaly, Aqyrtas arheologııalyq kesheni, Qarahan jáne Aısha-Bıbi keseneleri jáne t.b.
Otyrar — «Uly Dala Eline saıahat» jobasy baǵdarlarynyń sońǵy núktesi. Otyrarda qatysýshylardy QR mádenıet jáne sport mınıstri Arystanbek Muhamedıuly qarsy aldy.
«Qurmetti ekspedısııa qatysýshylary, sizderdi iri jáne otandyq týrızmniń damýy úshin mańyzdy «Uly Dala Eline saıahat» ekspedısıasynyń aıaqtalýymen qýanyshpen quttyqtaǵym keledi. Úsh aı shamalas bizdiń týǵan ólkege saıahat artta qaldy, sizder bizdiń tamasha Otanymyzdyń eń ǵajaıyp jerlerin kórdińizder! Nátıje bizde sulý tabıǵat pen nazar aýdarýǵa laıyqty tarıhı eskertkishter sanynyń kóptigin kórsetti. Endi óńirlerde ishki týrızmdi damytý jumysyn jalǵastyrý kerek, buny óskeleń urpaqqa kórsetý, bizdiń ıgilikterimizdi sheteldik týrısterge tanystyrý qajet», — dedi Arystanbek Muhamedıuly.
Keri jolda qatysýshylar Shymkent qalasynyń kórikti jerlerin tamashalaıdy jáne qaladan 90 shaqyrym jerdegi Aqmeshit úńgirine barady. Ol áktas jynystarynan paıda bolǵan jáne jartas qýysy bolyp tabylady. Ishinen onyń shetteri kıiz úı kúmbezin eske salady.
«Uly Dala Eline saıahat» ekspedısııasynyń alty baǵdary aıasynda birneshe myńdaǵan shaqyrym artta qaldy. Qorytyndy retinde árbir baǵdar boıynsha foto-, beınebank, jolkórsetkish jáne jańa týrıstik baǵdarlar jasalatyn bolady.
«Uly Dala Eline saıahat» ekspedısııasy Astana qalasynyń 20-jyldyǵyn merekeleý aıasynda ótkizilgenin esterińizge sala keteıik. Uıymdasyrýshysy — Mádenıet jáne sport mınıstrliginiń Týrızm ındýstrııasy komıtetiniń tapsyrysy boıynsha «Kazakh Tourism» UK. «Jańa Jibek joly» ekspedısııasynyń baǵdaryn «QazaqGeography» RQB júzege asyrdy. Ekspedısııa qatysýshylarynyń quramynda tájirıbeli saıahatshylar, týroperatorlardyń ókilderi, sheteldik jáne qazaqstandyq trevel-blogerler, sonymen qatar «National Geographic Reseı» komandasynyń ókilderi bar.