Reseı boks federasııasynyń bas hatshysy Omar Kremlev «Chempıonatqa» bergen suhbatynda Gennadıı Golovkın men Saýl «Kanelo» Alvares arasyndaǵy úshinshi jekpe-jekti elde ótkizý týraly ótinish berý josparyn bólisti, dep habarlaıdy Vesti.kz.
Aldyńǵy eki jekpe-jek te Las-Vegastaǵy T-Mobile arenasynda ótti. 2017 jyly qyrkúıektegi birinshi jekpe-jekte teń nátıje boldy, al bir jyldan keıin Alvares jeńiske jetti, osylaısha, Golovkın karerasyndaǵy alǵashqy jeńiliske ushyryp, WBC, WBA (Sýper) jáne IBO versııasy boıynsha ortasha salmaqtaǵy álem chempıony tıtýlynan aıyryldy.
«Gennadııge revansh ótkizýge keńes berer edim. Sońyna deıin kúresý kerek. Úshinshi rette Golovkın ony jeńýi múmkin dep oılaımyn. Jekpe-jektiń Reseıde ótkenin qalaısyń ba? Gennadııge «Kanelomen» úshinshi jekpe-jekti Reseıde ótkizý týraly usynys aıtqaly júrmin», - deıdi Kremlev.
«Kelesi jyly boks forýmy ótedi. Sońǵy kúni Golovkınniń jekpe-jegin qoıǵymyz keledi. Oılanyp, talqylap kóremiz, múmkin kelisetin shyǵarmyz. Forým maýsymda bolady. Keıinirek barlyq málimetti bólek jarııalaımyz. Ázirshe tipti ótetin aımaqty tańdaǵanymyz joq. Taıaýdaǵy konferensııada jarııalaımyz dep oılaımyn», dedi ol suhbatynda.
Eske salaıyq, Golovkın aqpanda Sochıde ótken birinshi halyqaralyq boks forýmynyń kelbeti bolǵan. Qazaqstandyq karerasynda segiz elde jekpe-jek ótkizgen, biraq Reseıde rıngke shyqpaǵan. Munyń aldynda Golovkın men Alvares úshinshi jekpe-jek ótkizýge daıyn ekendigin málimdedi. Ol 2019 jyly bolýy múmkin.