Aqtóbe oblysynyń ákimi Berdibek Saparbaev eńbek ardagerlerin Halyqaralyq qarttar kúnimen quttyqtap, estelik syılyqtar tartý etti.
Búkil ómirin qajyrly eńbek etýge arnaǵan qarttarǵa qurmet kórsetý rásimi Aqtóbedegi meıramhanalardyń birinde ótti. Saltanatty sharaǵa alpys ardager shaqyryldy.
Berdibek Saparbaev óz eliniń gúldenýi jolynda kásibine adal jáne jan-tánimen birilgen ardagerlerge alǵysyn bildirdi.
- Memleket basshysy Nursultan Nazarbaev qarııalardyń qajetine árqashan basa nazar aýdarady. Qarttarǵa qamqor bolý memleket saıasatynyń basymdyǵy bolyp qala beredi. Prezıdent árqashan ardagerlerdi bizdiń altyn qorymyz dep aıtady. Sizderdiń danaly sózderińiz óskeleń urpaqqa tárbıe berýde, olardyń ómirlik qýatyn durys jolǵa baǵyttaýda óte mańyzdy. Sizderge zor densaýlyq, rýhanı sergek bolýdy, baqyt, sózsiz mahabbat pen jaqyndaryńyzdyń qamqorlyǵyn tileımin, - dedi Berdibek Saparbaev ardagerlerge.
Halyqaralyq qarttar kúni jyl saıyn 1 qazanda atalyp ótiledi. Atalmysh mereke BUU bastamasymen 1991 jyly bekitilgen. Qazastanda qarttar kúni 1991 jyldan bastap merekelenip keledi.
Temir QUSAIYN,
«Egemen Qazaqstan»