2017 jyly oblys óńirinde 9 nysannyń, 3 aýyldyq okrýgtiń, 4 aýyldyń, 73 kósheniń aty ózgertildi.
Ústimizdegi jyly Qostanaı qalasyndaǵy burynǵy Avıasıonnaıa kóshesine Kámshat Dónenbaevanyń esimi berildi. Kazahskaıa kóshesi Ábilsaı bolyp ózgerdi. Arqalyq qalasyndaǵy №4 mektepke Keıki batyr esimi, Meńdiǵara aýdanyndaǵy Borovskoı kásiptik-tehnıkalyq kolledjine Kámshat Dónenbaevanyń esimin berý týraly usynystar Respýblıkalyq onomastıka komıssııasynan oń baǵa aldy.
«Atalǵan kórsetkishterge turǵyndar arasynda ótkizilgen túsindirý-aqparattyq jumystar arqyly qol jetti. Ásirese, Fedorov, Qarabalyq, Taran, Jitiqara aýdandarynda kóshe attaryn ózgertý kezinde kóptegen túsindirý jumystaryn júrgizdik. Aldaǵy ýaqyt jer-sý attaryn qaıta qalpyna keltirýde, ózgertýde QR Úkimeti janyndaǵy Respýblıalyq onomastıka komıssııasynyń 2018 jylǵy 12 naýryzdaǵy otyrysynda bekitilgen Qazaqstan tarıhynda,y jalpyulttyq ddeńgeıde tanymal 150 tulǵanyń esimi bar «Tarıhı tulǵalar», «Tarıhı oponımder jáne «Dástúrli ataýlar» tizimderi qatań basshylyqqa alynady» deıdi Oblystyq Tilderde damytý basqarmasy basshysynyń mindetin atqarýshy Qazymbek Ahmetov jýrnalıster úshin ótkizgen brıfıngte.
Ústimizdegi jyldyń naýryz aıynda Qostanaı qalasynyń irgesindegi Zatobol kentiniń mártebesi men ataýyn aýdandyq mańyzdaǵy Tobyl qalasyna ózgertý týraly usynysty kópshilik bir aýyzdan qoldady. Al jaqynda ǵana, 30 qyrkúıek kúni zııaly qaýym men Taran aýdany jurtshylyǵynyń Elbasyna, oblys jáne aýdan basshylyǵyna joldaǵan jazbasha usynystaryna sáıkes Taran aýdanyna Beıimbet Maılın esimin berý týraly turǵyndar pikirin eskerý maqsatynda aýdandyq máslıhattyń turaqty komıssııasy músheleriniń jurtshylyqpen birlesken otyrysy bolyp ótti. Onda aýdan jurtshylyǵynyń, qoǵamdyq uıymdar ókilderiniń pikiri tyńdaldy. Sonymen qatar aýdan ortalyǵy Taran selosy men selolyq okrýginiń tarıhı ataýyn qaıta qalpyna keltirý, ıaǵnı Áıet dep ózgertý týraly jergilikti turǵyndar pikiri tyńdaldy. Onda aqyn Aqylbek Shaıahmet qazirgi Taran selosy turǵan jer burynǵy Dombar bolysynan bólinip shyqqan Áıet bolysy bolǵan jer ekenin, ol keıin ýaqyt, saıasat yqpalymen Vıktorov, keıin Taran dep ózgertilgenin aıtty. Sonymen qatar ol ózenniń Áıet degen atynyń tarıhı mazmunyn da túsindirip berdi. Sonymen bir aýyzdan quptalyp, qujattar Respýblıkalyq onomastıka komıssııasyna jiberiletin boldy.
Brıfıngte Taran aýdandyq máslıhaty turaqty komıssııasynyń tóraıymy, aýdandyq qoǵamdyq keńestiń tóraıymy Natalıa Rýdneva, «Nur Otan» partııasy Taran aýdandyq fılıaly tóraǵasynyń birinshi orynbasary, Qostanaı oblystyq máslıhatynyń depýtaty Aınash Dadanova, Taran aýyly jergilikti qaýymdastyǵy múshesi Gaýhar Asanova jáne Oblystyq Tilderde damytý basqarmasy basshysynyń mindetin atqarýshy Qazymbek Ahmetov jýrnalıster suraqtaryna jaýap berdi.
Názıra JÁRIMBET,
«Egemen Qazaqstan»
Qostanaı