«Bıznes ósiminiń turaqty ósim kózin qalyptastyrý qajet. Jeke ınvestısııany yntalandyrý naryqtyń bostandyǵyn qamtamasyz etedi. Dál osy bıznes jańa jumys oryndaryn quryp, qazaqstandyqtardyń basym bóliginiń kirisin arttyrady. Bul úshin biz kelesi mindetterdi sheshetin bolamyz», - dedi Memleket basshysy.
Osy rette Elbasy 2010 jyly «Jol kartasy-2020» baǵdarlamasynyń iske qosylǵanyn atap ótti. «О́ńirlerge saparym barysynda bul baǵdarlamanyń tıimdiligine kózim jetti. Baǵdarlamanyń júzege asyrylýyn 2025 jylǵa deıin sozý qajet. Ony júzege asyrý úshin jyl saıyn qosymsha 30 mlrd teńge qarastyrylýy kerek», - dedi Nursultan Nazarbaev.
Prezıdent atap ótkendeı, bul sharalar úsh jyldyń ishinde azamattarymyz úshin qosymsha 22 myń jumys ornyn ashýǵa, bıýdjetke qosymsha 224 mlrd teńge alýǵa múmkindik beredi. 3 trln teńgeniń ónimi shyǵarylady.