«Qorqyttyń danalyq sózderi» kitaby qazaq, orys jáne aǵylshyn tilinde shyǵarylady. Bul týraly О́ńirlik kommýnıkasııalar qyzmetiniń baspasóz-konferensııasynda oblystyq ishki saıasat basqarmasynyń basshysy Talǵat Mahanov aıtty.
- Qyzylorda oblysyndaǵy tarıhı jáne mádenı eskertkishter teleatlasy men óńir tarıhy týraly elektrondy oqýlyq nemese jınaq ázirlenedi. Bul joba boıynsha beınemuraǵattarda saqtalǵan Syr óńiriniń tarıhyna, tarıhı-mádenı eskertkishterine qatysty túsirilimder, derekter jınaqtalyp, sonymen birge, aımaqtyq «Rýhanı jańǵyrý» ortalyǵy oblysta ornalasqan tarıhı-mádenı eskertkishter men oryndar, ómir súrgen tarıhı tulǵalar, batyrlar men shaıyrlar, jyraýlar, t.b. týraly el aýzynda júrgen áńgimeler men ańyzdardy jınaqtap, beınematerıaldar ázirleıtin bolady, - dedi basqarma basshysy.
Kitapqa Syr óńiri týraly Amerıka jáne Eýropa elderinen jıhankezder, ǵalymdar arhıvke tapsyrǵan tyń derekteri egiziledi. Bul qundy derekter buryn esh jerde jarııalanbaǵandarymen de qundy bolmaq.
Baqtııar TAIJAN,
«Egemen Qazaqstan»
Qyzylorda oblysy