Almatydaǵy «Dostyq» sport kesheninde gandboldan áıelder arasyndaǵy Azııanyń klýbtyq chempıonaty aıaqtaldy.
Iran, Úndistan, О́zbekstan jáne Qazaqstannyń birqatar beldi komandalary baq synaǵan jarysta «Almatynyń» arýlary aldaryna jan salmady. Bes básekeniń barlyǵynda jeńiske jetken alań ıeleri 10 upaıdy enshilep, chempıondyq ataqqa qol jetkizdi. Al Qyzylordanyń «Qaısary» men «Astana» komandalary kúmis pen qola medaldi ıelendi.
Aıtýly jarystyń joǵary deńgeıde uıymdastyrylǵanyn ózderińizde kórdińizder. Sol úshin de Almaty qalalyq Dene shynyqtyrý jáne sport basqarmasy men respýblıkalyq gandbol federasııasyna zor rızashylyǵymyzdy bildiremiz. Áý bastan-aq biz altyn tuǵyrdy kózdegen edik. Sol maqsatymyzǵa qol jetkize aldyq. Endi alda «Almatynyń» basqa da dúbirli dodalar kútip tur. Sol básekelerde de óz jankúıerlerimizdiń qýantýǵa tyrysamyz, – deıdi «Almaty» klýbynyń jattyqtyrýshysy Arsen Berdibekov.
Ǵalym SÚLEIMEN,
«Egemen Qazaqstan»
ALMATY