Kelesi jyldyń 14-27 qańtar aralyǵynda tennısten Melbýrnde ótetin Avstralııanyń ashyq birinshiliginiń júlde qory belgiledi.
Bul týrnırdiń tusaýy sonaý 1905 jyly kesilgen bolatyn. Ýaqyt oza ol zor bedelge ıe bolyp, qazirgi kezde aıtýly jarysta tek myqtylar ǵana kúsh synasýda. «Úlken dýlyǵy» sanatyna engen Melbýrndegi dodada talaı daraboz tennısshilerdiń top jarǵanyn jankúıerler jaqsy biledi. Máselen, bıylǵy jyldyń basynda erler arasynda ótken básekede dańqty Rodjer Federerge teń keler eshkim tabylmady. Osylaısha, Shveısarııanyń maqtanyshy jasyl qurlyqtaǵy jarysta altynshy márte bas júldeni oljalady. Áıelder saıysynda danııalyq Karolına Voznıaskıdiń baq juldyzy janyp, ol óziniń sporttyq mansabynda tuńǵysh ret osyndaı orasan zor tabysqa qol jetkizdi. Osy jarqyn jeńisteriniń arqasynda qos Federer men Voznıaskıdiń árqaısysy 4 mıllıon AQSh dollary kóleminde syıaqyǵa ıe boldy.
Al 2019 jylǵy Avstralııanyń ashyq birinshiliginiń júlde qory júlde 42,7 mıllıon AQSh dollaryn qurady. Al sol mol qarjattyń tennısshiler arasynda qalaı bóliske salynatyny aldaǵy kúnderi belgili bolady.
Ǵalym SÚLEIMEN,
«Egemen Qazaqstan»