Naqty qamqorlyqtarǵa toly

Táýelsizdiktiń 20 jyldyǵy bárimizge úlken oı saldy.  El ómirindegi erekshe beles  barsha qazaqstandyqtar úshin  taǵy­lym­dy mereke retinde atap ótil­di. Rýhanı bolmysymyz ben ulttyq sanamyzdyń bıiktep, memleket, ult múddesi jolynda toptasa biletinimizdi aıqyn ań­ǵartty. Qazaqstan Respýblıka­sy­nyń Prezıdenti, Ult kóshbas­shy­sy N.Á.Nazarbaev  El Táýelsiz­diginiń  mereıtoıyna arnalǵan saltanatty jınalysta sóılegen sózinde qol jetken jetistikterimizben qosa irgeli mindetterdi de belgilep berdi. Alda jańa tehnologııalar tóńkerisi kútip turǵanyn, túbe­geı­li ózgerister  jańa eko­nomıkalyq  álem quryly­sy­nyń negizderin aı­qyndaıtynyn, oǵan daıyn bolýymyz kerektigin atap ótti. Sonymen qatar, qaýip-qaterler kezdesetinin de eskertti. Osyndaı tyǵyryqtarǵa urynbaı, aman-esen shyǵýdyń joly retinde myqty ekonomıka men kúshti memleket qalyptastyrýdy usyndy. Bul oraıda, bilim berý men  den­saý­lyq saqtaý, jastar jáne turǵyn úı  saıasaty  mańyzdy ról alary sózsiz.  Endi «О́mir sapasy–2030» Jalpy­ult­tyq baǵdarlamasy iske qosy­lyp,  adamdar laıyqty jumyspen, qoljetimdi turǵyn úımen, sapaly densaýlyq jáne bilim berý júıelerimen qamtylatyn boldy. Bolashaǵyn, keleshegin oılaǵan el ǵana osyndaı qadamdarǵa barsa kerek.

«Deni saý ult–2030» Jalpy­ult­tyq baǵdarlamasy da jurtshy­lyq­ty salamatty ómir súrýge yn­ta­lan­dyryp, demografııalyq ósim­ge, ana men bala óliminiń azaıýyna, asa qaterli aýrýlardyń aldyn alý­ǵa yqpal jasary anyq.  О́ıtkeni, mun­da medısına salasyn damy­tý­dyń uzaq merzimdi sharalary qarasty­rylǵan.

Bizdiń bolashaǵymyz kimder degende, sóz joq, qazirgi jastar al­dymen oıǵa  oralady. Ol zańdy da. Jasampazdyqtyń jıyrma jy­lynda  talaby bıik, zamannyń qazirgi tehnologııalaryn tereń meńgergen, bilimdi býyn qa­lyptasty. Elbasynyń  elimizben birge kemeldik kezeńge aıaq basqan jastarǵa senim artýy – olardyń qadamyna berilgen laıyqty baǵa. Jelkildep ósip kele jatqan jas býynnyń bilikti maman, otanshyl azamat bolyp ósýine, ǵylym men bilimniń ozyq júıesin meńgerýge elimizde barlyq jaǵdaı jasal­ǵan. Irgesi berik, birligi bekem memlekettiń jaqsy dástúrlerin jalǵastyrýǵa olardyń  múmkin­dikteri mol.

Bir sózben aıtqanda, Prezı­denttiń ár sózinen qazaqstan­dyq­tarǵa degen naqty qamqorlyq anyq ańǵarylady.

Baqytjan SÁMIEVA, Soltústik Qazaqstan oblystyq isker áıelder assosıasııasynyń tóraıymy.

Soltústik Qazaqstan oblysy.