Saılaý-2012
Jańa jyl qarsańynda astanalyq nurotandyqtar taǵy da saılaýshylarmen kezdesti. Jalpy, bul kúnderi «Nur Otan» partııasynyń nasıhat jumysy «Esikten – esikke» uranmen júrip jatyr. Saılaýaldy naýqanǵa arnaıy jattyǵý sabaqtarynan ótken 64 erikti jumyldyrylǵan. Bul jumys kúndelikti jedel úgit toptarynda, úgit beketterinde júzege asyrylýda. Eń bastysy, ol túrli ortada, túrli toptarda, sonymen qatar, naqty óńirler men aýdandarda jeke-jeke ataýly rette qolǵa alynýda.
Partııa tuǵyrnamasyn jan-jaqty túsindirý boıynsha elimiz kóleminde úsh myńǵa jýyq jedel úgit toptary júr. Olar qazirdiń ózinde kóptegen otbasylaryna baryp úlgerdi. Sonymen qatar, barlyq iri saýda ortalyqtarynda, bazarlarda, qalalar men aýyldarda partııanyń úgit beketteri jumys isteýde. Olardyń sany – respýblıkamyz boıynsha eki jarym myń. Nurotandyqtar úgit materıaldaryn taratyp, saılaýshylarmen áńgimelesedi.
Osy kúnderi úgit beketteri arqyly 2 mıllıonnan astam adam ótti. Sondyqtan partııa óz múmkindigin keńinen júzege asyryp, qazaqstandyqtardyń jan-jaqty qoldaýyn sezinip, jeńiske degen senimin arttyra tústi.
«Nur Otan» halyqtyq-demokratııalyq partııasynyń tizimi boıynsha Parlament Májilisiniń depýtattyǵynan úmitkerlerdiń biri – Oral Muhamedjanov ta saılaýshylarmen kezdesip, úgit-nasıhat jumystaryn júrgizýde. Jaqynda kandıdat Qostanaı oblysynyń Naýyrzym, Amangeldi, Jangeldi sııaqty shalǵaı aýdandarynda saılaýshylarmen kezdesti.
Halyqpen bolǵan bul júzdesýlerde partııanyń «Qazaqstan. 2017 jyl maqsattary. Ulttyq is-qımyl jospary» atty tuǵyrnamasymen tanystyrdy. «Bul qujat Memleket basshysynyń el damýynyń strategııasyn júzege asyrýǵa baǵyttalyp otyr», – deıdi Oral Muhamedjanov.
Aımaqtardyń turǵyndary Qazaqstan Táýelsizdiginiń 20 jyldyǵynda jetken jetistikterdegi Elbasynyń eren eńbegin atap, ózderiniń partııany qoldaıtyndyqtaryn bildirdi.
Jeltoqsan aıynyń kóleminde Májilis depýtattyǵyna kandıdat Oral Muhamedjanov joǵaryda atalǵan úsh aýdanda jıyrmaǵa tarta kezdesý ótkizdi.
Dastan KENJALIN.