Armenııa qarýly kúshteri iri kalıbrli pýlemettermen maıdandaǵy Ázerbaıjan áskerine ár túrli baǵyttardan oq atyp, otty toqtatý rejımin bir táýlik ishinde 28 ret buzǵan, dep habarlaıdy Ázerbaıjan Qorǵanys mınıstrligi.
Armenııanyń Noemberıan jáne Krasnoselsk aýdandaryndaǵy taý shatqaldarynan Ázerbaıjannyń Kemerlı Gedabek aýdany aýmaǵynda ornalasqan Ázirbaıjan armııasyna oq atylǵan. Sonymen qatar, jaqyn jerdegi okkýpasııalanǵan Agdam aýdanyndaǵy Bash Karvend, Djevahırlı, Iýsıfdjanly, Merzılı aýyldarynan, Fızýlın aýdanynyń Gobý Dılagarda aýylynan, Djebraıl aýdanyndaǵy Nıýzgıar, Mehdılı aýyldarynan da oq jaýǵan. Osylaısha, Armenııa qarýly kúshteri 1994 jyly qabyldanǵan otsyz rejımdi buzdy.
Esterińizge salar bolsaq, Ońtústik Kavkaz elderiniń arasyndaǵy shıelenis 1988 jyly bastaý alǵan. Ázerbaıjan men Armenııa arasyndaǵy terrıtorııa qaqtyǵysyn toqtatý úshin Reseı, Fransııa, AQSh tarapynan kelissózder júrgizilýde. Alaıda, ekijaqty kelisimge kelý áli de qıyn bolyp otyr.
Ázerbaıjan terrıtorııasyn 20%-yn okkýpasııalaǵan Armenııa BUU Qaýipsizdik keńesiniń «Taýly Qarabaqty azat etý» tórt rezolıýsııasynyń bireýin de oryndamaǵan.