Oblystyq energetıka jáne turǵyn úı-kommýnaldyq sharýashylyq basqarmasynyń málimetinshe, óńirdegi abattandyrý, tazalyq jumystaryna 12,8 mlrd. teńge bólingen. Qazir bul qyrýar qarajattyń-8,7 mlrd. teńgesi ıgerilipti.
Nátıjesinde, kúzgi senbilik barysynda 1 mıllıone 116 myń tekshe metr aýlanyń aýmaǵy tazalanyp, 10,2 myń tonna qoqys shyǵarylǵan, 277 eskertkish qalypqa keltirilipti.
Jergilikti ákimdikterdiń qoldaýymen 10,3 myń túp kúzgi aǵash otyrǵyzyldy. Senbilikke 91 myń adam, 800 birlik tehnıka qatysqan. Abattandyrý isine nemquraıly qaraǵan turǵyndar, shaǵyn jáne orta kásipkerlik ókilderine jergilikti polısııa tarapynan ákimshilik hattama toltyryp, aıyppul salynýy múmkin.
Kásipkerlerge Ýspen aýdanyndaǵy A. Kasısyn basqaratyn «Galıskoe» JShS men Sharbaqty aýdanyndaǵy A. Polıakovtyń Abaı atyndaǵy órkenıetti sharýashylyqtaryn úlgi etýge bolar.
Mysaly, oblystyq ákimdik otyrysyndaǵy jıynda aıtylǵandaı, aýdandarda otyrǵyzylǵan aǵashtardyń 70 paıyzy kútimniń joqtyǵynan sol kúıi óspeı qalǵan.
Aýdan-qala ákimderi bálenbaı myń adam senbilikke shyǵyp, bálenbaı myń tonna qoqys jınady» dep tek sandar kórsetilgen esep beredi. Jelezın aýdanynda senbilikke 7 myń adam, oblys ortalyǵynda 25 myń adam senbilikke qatysyp, 230 tehnıka jumyldyrylǵan deıdi.
Al, bıyl oblys ortalyǵynda 10 myń aǵash otyrǵyzý josparlanypty.
Farıda BYQAI,
«Egemen Qazaqstan»
PAVLODAR