Kóp jyldardan beri Qostanaı qalasyndaǵy úılerdiń qabyrǵalarynda, irgetastarynda «KST 420», «Skorost» nemese esirtkiler atymen atalatyn túrli belgiler aıqush-uıqysh jazylyp turady. Munyń ne ekenin turǵyndar baıqaı bermeıdi, ony balalardyń tentektigi dep túsinedi. Al shyndyǵynda bul esirtki satýmen, tasýmen aınalysatyndardyń sıntetıkalyq esirtki zattardy tikeleı qaı jerden alýǵa bolatynyn eskertken jarnamasy bolyp tabylady. Jaqynda esirtki bınesimen kúres basqarmasynyń, Jergilikti polısııa qyzmetiniń qyzmetkerleri jáne volonterler osyndaı «syzbalardy» óshirip, boıap tastaý aksııasyn ótkizdi. Oblystyq ishki ister departamenti turǵyndardy osyndaı jarnamalardy baıqasa polıseılerge habarlaýdy ótindi.
«Jastardy osyndaı jazýlar ózine tartyp turady, olar sıntetıkalyq esirtki zattar usynatyn kúdikti saıttardy taýyp alady. Biz munymen kúresemiz, esirtki taratatyndardy tabý jumysymen aınalysamyz» deıdi oblystyq ishki ister departamenti esirtkimen kúres basqarmasynyń jedel ókili , polısııa maıory Aıgúl Erádilova.
Názıra Járimbet,
«Egemen Qazaqstan»
Qostanaı