Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynyń basym baǵyttaryn el ishine jete túsindirýge attanǵan Parlament depýtattarynyń aımaqtarǵa jumys saparlary jalǵasýda.
Batys Qazaqstan oblysyna jumys saparymen kelgen Senat depýtattary Birǵanym Áıtimova, Erbolat Muqaev jáne Narıman Tóreǵalıev Terekti aýdanyna bardy. Depýtattar «Jaıyq-Shalqar» arnasyndaǵy qalqymaly sý stansasynyń jumysymen tanysty. Senatorlar Aqjaıyq aýylyndaǵy birqatar áleýmettik nysandardy aralady. Kezdesýler barysynda Senat depýtattary Joldaýda kórsetilgen basym mindetterdiń árqaısysyna jeke-jeke toqtaldy.
* * *
Májilis depýtattary, «Nur Otan» partııasy fraksııasynyń músheleri Sáken О́tebaev pen Baqytgúl Hamenova Aqtóbe kólik, kommýnıkasııa jáne jańa tehnologııalar kolledji pedagogıkalyq ujymymen kezdesti. Basqosýda Memleket basshysynyń Qazaqstan halyna Joldaýyna oraı eń tómengi jalaqynyń ósimi jáne pedagogtar mártebesin ósirý jóninde máseleler qozǵaldy.
Sondaı-aq depýtattar Quralaı Qaraken, Sáken О́tebaev, Baqytgúl Hamenova jáne Gennadıı Shıpovskıh Qobda aýdanyndaǵy Jırenqopa aýylynyń turǵyndarymen de kezdesti.
* * *
Senat depýtaty Serik Jaqsybekov elordalyq kásipkerlermen kezdesý ótkizip, Elbasy Joldaýynyń basty baǵyttaryn jan-jaqty túsindirdi. Sondaı-aq depýtat Joldaýda qoıylǵan mindetterdi oryndaý barysyndaǵy kásipkerlerdiń róline de toqtaldy.
Júzdesýde qalalyq basqarma basshylarymen birge bıznestiń áleýmettik jaýapkershiligi, áleýmettik áriptestik ınstıtýtyn damytý jáne jumys berýshilerdiń «Elektrondy eńbek bırjasy» memlekettik ınternet-resýrsyn paıdalanýy máseleleri qyzý talqylandy.
* * *
Parlament Májilisiniń bir top depýtaty Batys Qazaqstan oblysyna jasaǵan jumys sapary barysynda úsh aýysymda oqıtyn №47 jalpy bilim beretin mektep jumysymen tanysty.
«Nur Otan» partııasy fraksııasynyń músheleri Aızada Qurmanova, Aıgúl Nurkına, Jámıla Nurmanbetova, Svetlana Bychkova jáne «Aqjol» partııasy fraksııasynan Keńes Absatırov jumys sapary barysynda Elbasy Joldaýynan týyndaıtyn máselelerdi talqylaý úshin Oral qalasynyń Zachagansk aýdanyndaǵy №47 mektepti arnaıy aralap kórdi.
* * *
Senatorlar Ańsar Musahanov pen Nurlan Qylyshbaev Almaty oblysynyń Eskeldi, Jambyl, Qarasaı jáne Sarqan aýdandarynda saparmen boldy. Sapar barysynda senatorlar birqatar ónerkásip jáne aýylsharýashylyq kásiporyndary men áleýmettik nysandardyń ujymdarymen kezdesý ótkizdi.
Kezdesýler barysynda senatorlar Elbasynyń halyqqa arnaǵan Joldaýyn túsindirip, Parlamenttiń zań shyǵarý qyzmetiniń nátıjeleri týraly aqparat berdi.
Sondaı-aq depýtattar qatysýshylardyń Joldaýǵa qatysty qoıǵan saýaldaryna jaýap berdi.
* * *
Atyraý oblysyna arnaıy jumys saparymen kelgen Parlament Májilisiniń depýtattary Beıbit Mamyraev, Bekbolat Tileýhan, Nurlan Ábdirov, Meıram Pishembaev, Turǵyn Syzdyqov Isataı aýdany turǵyndarymen kezdesti. Halyq qalaýlylary el úshin mańyzdy qujatta aıtylǵan mindetterge toqtalyp, turǵyndardyń usynys-pikirlerin tyńdady. Saýaldaryna jaýap berdi.
Zeınetker Ǵadiljan Saǵynaev ustazdar mártebesi týraly zań jobasy qaralǵanda bilim deńgeıin kóterýmen qatar tárbıe máselesin kúsheıtýge de nazar aýdarýǵa usynys berdi.
* * *
Senat depýtattary Tóleýbek Muqashev pen Dınar Nóketaeva Almaty qalasyna jumys babyndaǵy sapar aıasynda osyndaǵy kópir qurylysy zaýytynyń tynysymen tanysty. Zaýyt basshylyǵy Qazaqstannyń úzdik óndirýshileri óndirgen sement, shaǵyl jáne basqa da barlyq materıaldar paıdalanylatynyn jetkizdi. Al depýtattar jınalǵandarǵa Elbasy Joldaýynyń negizgi erejeleri týraly aıtyp berdi.
* * *
Parlament Senatynyń depýtaty Jeńis Nurǵalıev Qostanaı oblysynyń Qarasý aýdanynda jumys saparynda bolyp, Memleket basshysynyń Joldaýyn jurtshylyqqa túsindirýge oraı birqatar kezdesý ótkizdi.
Senator aýdan aktıvimen, aýyl sharýashylyǵy jáne áleýmettik salanyń mamandarymen, jurtshylyq ókilderimen kezdesti. Júzdesýlerde agrarlyq sektordy memlekettik qoldaý, halyqtyń áleýmettik jaǵdaıyn jaqsartý, bilim berý men densaýlyq saqtaý salalarynda eńbek etetin qyzmetkerler men jumysshylardyń múddelerin qorǵaý máselelerine nazar aýdaryldy.
Aqparattar «Egemen Qazaqstannyń» óńirlerdegi tilshilerinen alyndy