Qyzylorda oblysy Shıeli aýdandyq prokýratýrasy aýdandyq ambýlatorııalyq aýrýhanasynda birqatar zańsyzdyqtar oryn alǵanyn anyqtady, dep habarlaıdy aýdandyq prokýratýranyń baspasóz qyzmeti.
Bul keleńsiz jaǵdaı emdeý ornyn tekserý barysynda belgili bolǵan. 2016-2018 jyldar aralyǵynda muǵalimder atalmysh aýrýhanada birqatar dárigerlerden aqy tóleý arqyly tekserýden ótken eken. Atap aıtqanda, ustazdar terapevt, dermatovenerolog, gınekolog sekildi medısına mamandaryna aqyly qaralǵan. Oblystyq prokýratýranyń baspasóz hatshysy Botagóz Seıildiń aıtýynsha, zań boıynsha ol qyzmetter tegin júrgizilýi tıis. Prokýrorlyq qadaǵalaý nátıjesinde ustazdarǵa 2,7 mln teńge kólemindegi aqsha qaıtaryldy.